Terrible accident near Kurhepanache: Kannada youth dies on the spot भुसावळ (14 ऑक्टोबर 2025) : खड्डा चुकवण्याच्या प्रयत्नात वाहनावरील नियंत्रण सुटल्याने चारचाकी उलटून झालेल्या अपघातात कन्नड तालुक्यातील तरुण जागीच ठार झाला. सागर आबाराव श्रीखंडे (25, रा.चिंचोली लिंबाजी, ता.कन्नड) हा ठार झाला तर सोबतचे मित्र गणेश बाळाराम गोरे, दीपक हरी आढाव (रा.चिंचोली लिंबाजी, ता.कन्नड) हे जखमी झाले.
काय घडले तरुणासोबत ?
सागर श्रीखंडे हा तरुण चारचाकी (क्र.एम.एच.20 ई.जे8195) ने कुर्हेपानाचेकडे येत असताना महाराष्ट्र ढाब्याजवळ खड्डा चुकवण्याच्या प्रयत्नात वाहनावरील नियंत्रण सुटल्याने चारचाकी उलटली व या अपघातात सागर आबाराव श्रीखंडे (25, चिंचोली लिंबाजी, ता.कन्नड, जि.संभाजीनगर) हा ठार झाला तर सोबतच मित्र जखमी झाले. अपघात प्रकरणी सुनील बाळाराम गोरे (34, रा.चिंचोली लिंबाजी, ता.कन्नड) यांनी तालुका पोलिसात दिलेल्या फिर्यादीवरून अपघाताची नोंद करण्यात आली. तपास पोलिस निरीक्षक महेश गायकवाड यांच्या मार्गदर्शनाखाली हवालदार विकास बाविस्कर करीत आहेत.
