ईतिहासातील सर्वात मोठी शरणागती : 61 माओवाद्यांनी शस्त्र ठेवत आत्मसमर्पणाचा निवडला मार्ग !
The biggest surrender in history: 61 Maoists chose the path of surrender while laying down their arms! गडचिरोली (15 ऑक्टोबर 2025) : गडचिरोलीतील माओवाद संपुष्टात येण्याच्या मार्गावर असून कुठल्याही रक्तपाताशिवाय 61 माओवाद्यांनी शास्त्र खाली ठेवत पोलिसांपुढे आत्मसमर्पणाचा मार्ग निवडला आहे. गडचिरोलीत माओवादी नेता मल्लोजुला वेणुगोपाल रावच्या मोठ्या आत्मसमर्पणानंतर महाराष्ट्रातून सशस्त्र माओवाद लवकरच हद्दपार होण्याची शक्यता आहे. राज्याचे मुख्यमंत्री देवेंद्र फडणवीस हे आज या आत्मसमर्पण कार्यक्रमाला उपस्थित राहणार आहेत.
आत्मसमर्पणाची तयारी पूर्ण
गडचिरोली पोलिस मुख्यालयात माओवाद्यांच्या शरणागती संदर्भातील तयारी पूर्ण झाली आहे. गडचिरोली पोलीस मुख्यालय मध्ये मुख्यमंत्री व गृहमंत्री देवेंद्र फडणवीस यांच्या समक्ष 61 माओवाद्यांचा आत्मसमर्पण पार पडणार आहे. या वेळेस शरण आलेले माओवादी मोठ्या संख्येने त्यांचा शस्त्रसाठा सुद्धा मुख्यमंत्र्यांसमोर खाली ठेवतील. . भूपती उर्फ सोनू सोबत दोन जहाल माओवादी ही आज त्यांचे शस्त्र खाली ठेवणार असल्याने माओवाद विरोधातल्या लढ्यात एक मोठा विजय गडचिरोली पोलिसांनी कुठल्याही रक्तपाता शिवाय मिळवला आहे.
कोटींचं बक्षीस, नक्षल चळवळीचा मास्टरमाईंड
14 रोजी रात्री दक्षिण गडचिरोली जिल्ह्यातील घनदाट जंगलात छत्तीसगड सीमेलगत महाराष्ट्राच्या बाजूने हे सामूहिक आत्मसमर्पण झाले आहे. परिणामी गडचिरोलीच्या इतिहासातील ही आजवरची सर्वांत मोठी शरणागती असल्याचे बोललं जात आहे. माओवाद्यांचा पॉलिट ब्युरो मेंबर तसेच सेंट्रल कमिटी मेंबर मल्लोजूला वेणुगोपाल राव उर्फ सोनू उर्फ भूपती हा नक्षल चळवळीतील मेंदू समाजाला जातो. त्याने 2 नोव्हेंबर 1980 रोजी गडचिरोली जिल्ह्यातील मोयाबिनपेठा येथे सीआरपीएफ आणि माओवाद्यांमध्ये पहिली चकमक झाली होती. तेव्हा तत्कालीन सीरपूर दलमचा पेद्दी शंकर हा माओवादी कमांडर ठार झाला होता. आणि तेव्हाच माओवाद्यांविरोधातला पहिला गुन्हा दाखल झाला होता त्यानंतर 1982 मध्ये गडचिरोली जिल्ह्यातील सिरोंचा जवळील अमरादी या गावात माओवाद्यांनी पहिल्यांदा सामान्य व्यक्ती वर हल्ला केला होता. तेव्हा त्या भागातील शिक्षक राजू मास्टर यांचा उजवा हात माओवाद्यांनी कापला होता.
