Bus catches fire in Rajasthan : 20 passengers die of suffocation जैसलमेर, राजस्थान (15 ऑक्टोबर 2025) : राजस्थानमधील जैसलमेर-जोधपूर महामार्गावर एका एसी स्लीपर बसला आग लागल्योन तब्बल 20 प्रवासी जिवंत जळाले. ही दुर्घटना इतकी भयंकर होती की मृतदेह बसमध्ये अडकले होते. काही जणांचे मृतदेह जळून कोळसा झाले. मंगळवारी दुपारी 3.30 वाजता आगीचा प्रकार घडला.
मृतांचे डीएनए सॅम्पलिेंग
राजस्थानातील जैसलमेर येथे बस आगीत बळी पडलेल्या 20 जणांची ओळख पटविण्यासाठी डीएनए सॅम्पलिंग सुरू झाले आहे. त्यांच्या प्रियजनांचा शोध घेणार्‍या कुटुंबातील दोन सदस्यांचे नमुने घेतले जात आहेत.
जोधपूरमधील महात्मा गांधी रुग्णालय आणि जैसलमेरमधील जवाहर रुग्णालयात डीएनए सॅम्पलिंगची व्यवस्था करण्यात आली आहे. यापूर्वी, मंगळवारी रात्री उशिरा, जैसलमेरहून 19 मृतदेह जोधपूरला आणण्यात आले. त्यापैकी फक्त हाडे असलेले एक पोते होते. एका व्यक्तीचा मृतदेह आधीच जोधपूरमध्ये होता.
मृतांमध्ये पत्रकार राजेंद्र चौहान यांचाही समावेश होता. या अपघातात एकाच कुटुंबातील पाच जणांचाही मृत्यू झाला. आगीत पंधरा जण 70 टक्कयांपर्यंत भाजले होते. जखमींमध्ये लग्नापूर्वीचे शूटिंग करून जोधपूरला परतणार्‍या जोडप्याचा समावेश होता.
मंगळवारी रात्री उशिरापर्यंत, सर्व मृतदेह बसमधून काढण्यात आले. त्यांना बाहेर काढण्यासाठी सैन्याला पाचारण करण्यात आले. मंगळवारी रात्री उशिरापर्यंत, सर्व मृतदेह बसमधून काढण्यात आले. त्यांना बाहेर काढण्यासाठी सैन्याला पाचारण करण्यात आले.
आगीबाबत विविध दावे
स्लीपर बसला आग कशामुळे लागली याबद्दल वेगवेगळे दावे केले जात आहेत. सुरुवातीला शॉर्ट सर्किटमुळे आग लागल्याचे सांगण्यात आले. नंतर एसी कॉम्प्रेसर पाईप फुटल्याचा दावा करण्यात आला. स्थानिकांनी मात्र बसचा डबा फटाक्यांनी भरल्याचा दावा केला.
दरम्यान. जैसलमेर बस अपघातातील मृतांच्या कुटुंबीयांना दोन लाख रुपये आणि जखमींना 50,000 रुपये आर्थिक मदत जाहीर केली आहे. पंतप्रधान नरेंद्र मोदी यांनी एक्सवर पोस्ट करत लिहिले की, राजस्थानातील जैसलमेर येथे झालेल्या अपघातात झालेल्या जीवित आणि मालमत्तेच्या नुकसानीमुळे मला खूप दुःख झाले आहे.
