दिवाळीत बाजारपेठेसह सराफा पेठेत गस्त वाढवा : धुळे पोलिस अधीक्षक श्रीकांत धीवरे
Increase patrols in the market and bullion market during Diwali : Dhule Superintendent of Police Shrikant Dhivare धुळे (15 ऑक्टोबर 2025) : दिवाळीच्या सुट्यांमुळे धुळे बसस्थानकासह रेल्वे स्थानकात प्रवाशांची गर्दी वाढल्याने ही बाब चोरट्यांच्या पथ्थ्यावर पडू नये यासाठी दोन्ही ठिकाणी पोलिसांची गस्त वाढवावी तसेच स्थानकात सीसीटीव्ही कॅमेरे लावण्याबाबत संबंधिताना सूचना कराव्यात तसेच वर्दळीच्या बाजारपेठेसह सराफा बाजारपेठेत गस्त वाढवण्याच्या सूचना धुळे पोलिस अधीक्षक श्रीकांत धीवरे यांनी सर्व पोलिस ठाण्याच्या प्रभारी अधिकार्‍यांना दिल्या.
गुन्हेगारी रोखण्याचे निर्देश
दिवाळीच्या काळात घरफोडी आणि वाहनचोरी वाढण्याची शक्यता असल्याने हे गुन्हे घडणार नाहीत यासाठी कटाक्षाने काळजी घ्यावी तसेच मोठ्या प्रमाणात कामगार वर्ग मध्यप्रदेशात दिवाळीत जात असल्याने त्यांच्याकडून होणारे गुन्हे पाहता त्यांच्या हालाचालींवर लक्ष ठेवावे, एमआयडीसी अवधान, नरडाणा. सिंदखेडा या ठिकाणी सुरक्षा ऑडिट करावे, जेणेकरून चोरीचे प्रमाण कमी करता येईल, असे धीवरे म्हणाले.
या उपाययोजनांनी मिळेल गुन्हेगारीवर नियंत्रण
सर्व पोलिस ठाण्याच्या प्रभारी अधिकार्‍यांनी सोन्याच्या दुकानांना भेट द्याव्यात व चोरी व दरोडा टाळण्यासाठी आवश्यक प्रतिबंधात्मक उपाययोजना कराव्यात, सोनार गल्लीत बॅरीकेटींग करून गस्त वाढवावी तसेच मंदिरे आणि धार्मिक स्थळांना भेट द्यावी व तेथील पदाधिकार्‍यांना सीसीटीव्ही, सुरक्षा रक्षक, भिंतीची कंपाउंड याबाबत माहिती द्यावी व सुरक्षितता ठेवावी व नागरिकांना पोलिस वाहनातून किंवा भाड्याच्या रिक्षातूनही विशेष सूचना दिल्या जाव्यात, गुन्हेगारी पार्श्वभूमी असलेल्या लोकांवर प्रतिबंधात्मक कारवाई वाढवावी, * गायींची तस्करी आणि चोरी याकडे लक्ष द्यावे आणि गंभीर गुन्हे नोंदवावेत, अशा सूचना यावेळी करण्यात आल्या. धुळे वाहतूक शाखेने बाजारपेठेतील गर्दीच्या अनुषंगाने कोंडी होणार नाही याची विशेष दक्षता घ्यावी, याबाबतही सूचना करण्यात आल्या तसेच मिश्र वसाहतींमध्ये पेट्रोलिंग वाढवण्याचरी कृती तातडीने करावी.
