A young man riding a bike was killed after being hit by a speeding truck in Bhusawal भुसावळ (16 ऑक्टोबर 2025) : भरधाव ट्रकने दुचाकीला जोरदार धडक दिल्याने दुचाकीस्वार गंभीर जखमी झाला होता मात्र उपचारादरम्यान तरुणाचा उपचारादरम्यान मृत्यू झाला. दीपक पंडित करोले (35, रा. राहुल नगर, पांडुरंग टॉकीज जवळ, भुसावळ) असे मयत तरुणाचे नाव आहे.
14 रोजी रात्री 8.25 वाजेच्या सुमारास जळगावकडे जाणारा भरधाव ट्रक (क्रमांक एम.पी. 68 झेड.डी.3514) ने दुचाकी (क्रमांक एम.एच. 19 बीडब्ल्यू 3332) ला धडक दिल्याने दुचाकी घसरून दीपक करोले ट्रकच्या चाकाखाली सापडल्याने गंभीर जखमी झाला. गायत्री पान सेंटरसमोरील जळगावकडे जाणार्या रस्त्यावर हा अपघात घडल्यानंतर तत्काळ नागरिकांच्या मदतीने त्याला खाजगी रुग्णालयात दाखल करण्यात आले मात्र उपचारादरम्यान त्याचा मृत्यू झाला. मृतदेहाचे शवविच्छेद ग्रामीण रुग्णालयातील ट्रामा केअर सेंटरमध्ये करण्यात आले.
