शिरपूर तालुका पोलिसांची मोठी कारवाई : दरोड्याच्या गुन्ह्यातील पसार आरोपी गावठी कट्ट्यासह जाळ्यात

आधी चौकडी व नंतर पाचवा आरोपी  जाळ्यात
शनिवार, 11 ऑक्टोबर रोजी रात्री 11.30 वाजता पोलिसांनी सुळे फाटा येथे सापळा रचत चारचाकी टियागो कार (एम.एच.14 के.डब्ल्यू.8409) मधून चार संशयीतांना ताब्यात घेतले होते. यावेळी प्रेम उर्फ सनी अनिरुद्ध चोपडे (27, रा.जाधव नगर, डी.मार्टजवळ, रावेत, पुणे), कृष्णा सुभाष सौराते (20, रा.बिरदवडी चाकण, ता.खेड,, जि.पुणे), अंकुर रमेश कार्ले (25, रा.चांदुस, ता.खेड, जि.पुणे), अनिकेत सुरेश वाळुंज (26, रा.चांदुस, ता.खेड, जि.पुणे) यांना अटक करण्यात आली होती तर आरोपींचा साथीदार तेजस दीपक सनस हा पसार झाला होता. आरोपी लालमाती फाटा येथून अटक करण्यात आली व त्याच्या ताब्यातून 25 हजार रुपये किंमतीची शाईन दुचाकी (एम.एच.18 बी.सी. नंबर अर्धवट) व 25 हजार रुपये किंमतीचा कट्टा जप्त करण्यात आला.

आरोपीविरोधात गंभीर गुन्हे
अटकेतील आरोपीविरोधात पुण्यातील विविध पोलिस ठाण्यात खून, खुनाचा प्रयत्न, शासकीय कामात अडथळा आदी प्रकारचे गुन्हे दाखल असल्याचे समोर आले आहे.

यांनी आवळल्या मुसक्या
ही कारवाई धुळे पोलिस अधीक्षक श्रीकांत धीवरे, अपर पोलिस अधीक्षक अजय देवरे, पोलिस उपअधीक्षक सुनील गोसावी यांच्या मार्गदर्शनाखाली शिरपूर तालुका पोलिस निरीक्षक जयपाल हिरे, मिलिंद पवार, सुनील वसावे, हवालदार संतोष पाटील, हवालदार संदीप ठाकरे, हवालदार राजु ढिसले, हवालदार जाकिर शेख, हवालदार जगन्नाथ कोळी, हवालदार रमेश माळी, मनोज नेरकर, योगेश मोरे, भगवान गायकवाड, वाला पुरोहीत, सुनील पवार, दिनकर पवार, धनराज गोपाळ, रणजीत वळवी, फारूकी, तेजस अहिरराव आदींच्या पथकाने केली.