Fatal accident in Nandurbar district: Six people killed नंदुरबार (18 ऑक्टोबर 2025) : नंदुरबार जिल्ह्यातील चांदशैली पिकअप गाडी उलटल्याने सहा जण ठार झाले आहे. शनिवारी हा अपघात झाला. या गाडीतील लोक अस्तंबा यात्रेसाठी गेल्यानंतर परतीच्या प्रवासात क्रुर काळाने त्यांच्या झडप घातली. चांदशैली घाटातून पिकअप गाडी जात असताना चालकाचे गाडीवरील नियंत्रण सुटले आणि मोठा अपघात झाला.
10 जणांची प्रकृती गंभीर
प्राथमिक माहितीनुसार, आतापर्यंत या अपघातामध्ये सहा जणांचा मृत्यू झाला आहे. तर अनेकजण जखमी झाले आहेत. यापैकी 10 जणांची प्रकृती गंभीर असल्याची माहिती आहे. त्यामुळे दुर्घटनेतील मृतांची संख्या वाढण्याची दाट शक्यता आहे. सध्या या सर्वांना तळोदा उपजिल्हा रुग्णालयात उपचारासाठी नेले जात आहे. या अपघातानंतर पोलिस तातडीने घटनास्थळी दाखल झाले. त्यांच्याकडून तातडीने बचावकार्य हाती घेण्यात आले. पोलिसांनी जखमींना पिकअप व्हॅनमधून बाहेर काढून उपचारासाठी रवाना केले.
