Mhasavad adult dies after being hit by train जळगाव (18 ऑक्टोबर 2025) : जळगाव तालुक्यातील डोमगाव फाट्याजवळ धावत्या रेल्वेचा धक्का लागल्याने म्हसावद येथील प्रौढाचा जागीच मृत्यू झाला. ही दुदैवी घटना गुरुवार, 16 ऑक्टोबर रोजी रात्री 8 वाजता घडली. याबाबत एमआयडीसी पोलिसात अकस्मात मृत्यूची नोंद करण्यात आली. लक्ष्मण काळू धोत्रे (49, रा.म्हसावद, ता.जळगाव) असे मयत प्रौढाचे नाव आहे.
काय घडले प्रौढासोबत ?
म्हसावद गावात लक्ष्मण धोत्रे हे पत्नी व तीन मुलांसह वास्तव्याला होते. दगडातून पाटा व वरवंटा बनविण्याचे काम करून ते आपल्या कुटुंबाचा उदरनिर्वाह करत होते. गुरुवार, 16 ऑक्टोबर रोजी रात्री 8 वाजता घरात काहीही न सांगता घरातून निघुन गेला. दरम्यान गावाजवळील डोमगाव फाट्याजवळील रेल्वे रूळावरून जात असतांना धावत्या रेल्वेचा धक्का लागल्याने त्यांचा रात्री 9 वाजेच्या सुमारास जागीच मृत्यू झाला.
