Jalgaon District Police returned mobile phones worth Rs 12.50 lakh to complainants जळगाव (19 ऑक्टोबर 2025) : गहाळ किंवा चोरीला गेलेले 62 मोबाईल शनिवारी जळगाव पोलिस अधीक्षक डॉक्टर महेश्वर रेड्डी यांच्याहस्ते मूळ तक्रारदारांना परत देण्यात आले. विशेष म्हणजे या मोबाईलचे मार्केट मूल्य तब्बल साडेबारा लाख रुपये आहे.
जिल्हातील सार्वजनिक ठिकाणाहून व बाजारातून महागडे मोबाईल गहाळ झालेल्या मोबाईलचा शोध घेण्यासकरिता पोलिस अधिक्षक डॉ.महेश्वर रेड्डी व अपर पोलीस अधिक्षक अशोक नखाते यांचे मार्गदर्शनाखाली सायबर पोलिस निरीक्षक सतीश गोराडे, पोलिस उपनिरीक्षक गणेश अहिरे यांना आदेशित केले होते. त्यानुसार सायबर पोलिस स्टेशन, जळगाव येथील किरण वानखेडे, हेमंत महाडिक, सचिन सोनवणे, पंकज वराडे गौरव पाटील, मिलिंद जाधव, दीपक पाटील आदींनी हरवलेले मोबाईल शोध घेण्याची मोहीम राबवली.
