Illegal gas refilling in Shirpur vehicle : Dhule Crime Branch’s action creates a stir शिरपूर (19 ऑक्टोबर 2025) : जिल्ह्यात घरगुती गॅस सिलिंडरमध्येन अवैधरित्या रिफिलिंग बंद असताना शिरपूरात मात्र अवैधरित्या रिफिलिंग होत असल्याची माहिती धुळे गुन्हे शाखेचे वरिष्ठ पोलिस निरीक्षक श्रीराम पवार यांना मिळाल्यानंतर त्यांनी पथकाला कारवाईचे निर्देश दिले. पथकाने यावेळी वरवाडे शिवारात सिद्धी टेन्ट हाऊसमागे छापा टाकून तुषार सुरेश माळी (20, खर्दे, ता.शिरपूर) यास पकडले तर संजय नथ्थू सोनवणे उर्फ बापू माळी पसार झाला. संशयीत खाजगी सिलिंडरमधून वाहनात भरताना यावेळी कारवाई करण्यात आली.
सिलिंडरसह साहित्य जप्त
पथकाने घटनास्थळावरून चार हजार रुपये किंमतीचे चार खाली सिलिंडर, दोन हजार चारशे रुपये किंमतीचे दोन भरलेले सिलिंडर, 10 हजार रुपये किंमतीची गॅस भरण्यासाठीची मोटार, दोन हजार रुपये किंमतीचा वजनकाटा मिळून 18 हजार 400 रुपये किंमतीचे साहित्य जप्त करण्यात आले.
