भरधाव लक्झरीच्या धडकेने गडखांबचा युवक ठार
Youth from Gadkhamb killed in collision with speeding luxury car अमळनेर (20 ऑक्टोबर 2025) : भरधाव लक्झरीने दुचाकीला धडक दिल्यने झालेल्या अपघातात गडखांबच्या तरुणाचा जागीच मृत्यू झाला. हा अपघात शुक्रवार, 18 रोजी घडला. या प्रकरणी अमळनेर पोलिसात गुन्हा दाखल करण्यात आला आहे.
काय घडले तरुणासोबत ?
अमळनेर तालुक्यातील गडखांब गावातील दिनेश सदाशीव पाटील (26) हा तरुण शुक्रवार, 18 रोजी सायंकाळी 7.30 वाजेच्या सुमारास गडखांब येथून दहिवद फाट्याकडे दुचाकी (एम.एच.19 सी.पी.2987) ने जात असताना चोपड्याकडून अमळनेरकडे जाणार्या लक्झरी बसने (एम.एच.09 ई.एम.9063) ने ओव्हरटेक करताना दुचाकीला धडक दिली. अपघातात दुचाकीसह 50 फूट फरफटत गेल्यानंतर मागून येणारे तरुणाचे काका आणि इतरांनी ट्रॅव्हल्स थांबवली. यावेळी दिनेश हा दुचाकीसह बंपरच्या खाली अडकल्याने लोकांनी त्याला बाहेर काढून अमळनेर ग्रामीण रुग्णालयात दाखल केले असता डॉक्टरांनी तपासून मृत घोषित केले.





