भरधाव दुचाकी धडकल्या : नगरदेवळ्यातील अल्पवयीन तरुण ठार
Speeding two-wheeler hits: Minor youth from Nagardevala killed पाचोरा (22 ऑक्टोबर 2025) : भरधाव दुचाकी धडकून झालेल्या अपघातात नगरदेवळा गावातील अल्पवयीन तरुण ठार झाला. हा अपघात शनिवारी सायंकाळी सुमारे सात वाजेच्या सुमारास झाला.
असा घडला अपघात ?
माहिजीहून पाचोर्याकडे येत असलेल्या विना नंबरच्या हिरो होंडा फॅशन मोटारसायकलवरून पाचोर्यातील दोन तरुण जात असताना विरूद्ध दिशेने सामनेरहून कासोदा येथे दिवाळीला मामाच्या गावाला दोन तरुण विना नंबरच्या दुचाकीने येत होते. कुरंगी शिवारातील हिमंत वाणी यांच्या शेताजवळ दोन्ही दुचाकींची समोरासमोर जोरदार धडक झाली. या अपघातात ऋषिकेश संदीप पाटील (16, रा.नगरदेवळा, ता.पाचोरा) हा तरुण गंभीर जखमी झाला. त्याला तत्काळ जळगाव येथील खासगी रुग्णालयात हलवण्यात आले मात्र उपचारादरम्यान त्याचा मृत्यू झाला.





