Three killed in horrific accident अकोला (22 ऑक्टोबर 2025) : अज्ञात वाहन आणि चारचाकी वाहनात भीषण अपघात घडल्यानंतर तिघे ठार तर एक जण जखमी झाला.
बोरगावमंजू येथील धीरज सिरसाट आणि अश्विनी सिरसाट हे दाम्पत्य खेर्डी येथील आपला व्यवसाय आटोपून एका प्रवासी कारने बोरगावमंजूकडे घरी निघाल्यनंतर कार बिघडल्याने एका मालवाहू वाहनाद्वारा गाडी टो करून नेण्याचे प्रयत्न सुरू असताना हे सर्व गाडीच्या खाली उतरलेले होते. याचवेळी अमरावतीकडे जाणार्‍या एका अज्ञात भरधाव वाहनाने खाली उतरलेल्या चारही जणांन चिरडलं. यात दोन पुरूष आणि एका महिलेचा जागीच दुर्दैवी मृत्यू झाला तर एकजण गंभीर जखमी झाला.
मृतांमध्ये धिरज सिरसाठ, अश्विनी सिरसाट या पती-पत्नीसह आरिफ खान या चालकाचा समावेश आहे. हे तिघेही बोरगावमंजूचे रहिवासी होते तर गाडीचा वाहक गंभीर जखमी असून त्याच्यावर अकोला जिल्हा रुग्णालयात उपचार सुरू आहेत. अकोला पोलिसांकडून धडक देणार्‍या अज्ञात वाहनाचा शोध सुरू आहे. ऐन दिवाळीच्या दिवशी झालेल्या या अपघाताने अकोला जिल्ह्यातील बोरगावमंजू गावावर शोककळा पसरली.
