Jalgaon Jamod shaken: Youth murdered over dispute over throwing crackers जळगाव जामोद (23 ऑक्टोबर 2025) : फटाके फेकल्याच्या वादातून युवकाचा पेचकसने भोसकून खून करण्यात आल्याची घटना जळगाव जामोदमध्ये घडल्याने खळबळ उडाली आहे.
असे आहे खून प्रकरण ?
अयोध्या नगरात फटाके फेकल्याच्या कारणावरून तिघांनी युवकाला मारहाण केली. त्यातील एकाने पेचकसने कपाळावर वार करत खून केला. ही घटना 21 ऑक्टोबर रोजी रात्री साडे आठच्या सुमारास घडली.
विनय हिरामण हिस्सल यांनी पोलिसांत दिलेल्या तक्रारीनुसार, त्यांचा भाऊ अमोल हिस्सल उभा असताना आरोपींनी त्याच्या अंगावर फटाके फेकले. यावरून वाद झाला. आरोपी योगेश रामदास ताडे (22) याने अमोलचे डोके पकडून सोनाजी ताडे यांच्या घरासमोरील ओट्यावर आपटले. शुभम रमेश ताडे (27) आणि ज्ञानेश्वर पंडीत कोथळकार (27) यांनी अमोलला लाथा-बुक्क्यांनी मारहाण केली. नंतर ज्ञानेश्वर कोथळकार याने खिशातून पेचकस काढून अमोलच्या कपाळावर मारले. यात अमोलचा मृत्यू झाला. या प्रकरणी पोलिसांनी तिघांविरुद्ध खुनाचा गुन्हा दाखल केला.
