भुसावळातील पाच वर्षीय बालिकेचे भीक मागण्याठी अपहरण : 48 तासात आरोपी बाजारपेठ पोलिसांच्या जाळ्यात
Five-year-old girl kidnapped for begging in Bhusawal: Accused caught by Bazarpet police within 48 hours भुसावळ (25 ऑक्टोबर 2025) : प्रतिकुल परिस्थितीमुळे आईसह भुसावळात मिळेल ते मागून उदरनिर्वाह करणार्‍या पाच वर्षीय बालिकेचे अज्ञाताने अपहरण केल्याची घटना 22 रोजी दोन ते तीन वाजेदरम्यान बसस्थानकाजवळ घडली होती. भुसावळ बाजारपेठ पोलिसात या प्रकरणी अपहराचा गुन्हा दाखल झाल्यानंतर पोलिसांनी तांत्रिक कौशल्य व गोपनीय माहितीच्या आधारे गोरेलाल भगवानसींग कछवे उर्फ भिलाला (अजदरा) या आरोपीला बेड्या ठोकत बालिकेची सुटका केली आहे. याबाबतची माहिती जळगाव येथे जिल्हा पोलिस अधीक्षक डॉ.महेश्वर रेड्डी यांनी माध्यमांना दिली.
काजल मुन्ना ठाकुर (29, भाखा अमरपूर, जि.दिंडोरी, म.प्र) या पाच वर्षीय मुलीसह भुसावळातील बसस्थानक भागात वास्तव्यास आहेत. दिवसभरात भीक मागून ते गुजराणा करतात. ठाकूर यांच्या पाच वर्षीय मुलीला बसस्थानकाजवळून 22 रोजी दुपारी दोन वाजेच्या सुमारास अज्ञाताने पळवून नेले. शोध घेवूनही बालिका न आढळल्याने 23 रोजी अपहरणाचा गुन्हा दाखल करण्यात आला. पोलिसांनी विविध भागातील सीसीटीव्ही फुटेजसह तांत्रिक विश्लेषण करीत आरोपीला उजनी देवस्थान, ता.बोदवड येथून अटक केली.
भीक मागण्यासाठी अपहरण
आरोपीने गुन्हा केल्याची व पीडीतेला भीक मागण्याच्या उद्देशाने अपहरण केल्याची कबुली दिली. आरोपीच्या ताब्यातून पीडीतेला ताब्यात घेत आईच्या ताब्यात सुखरूप देण्यात आले. आरोपीविरोधा चैनपुर, जि.खरगोन (म.प्र) येथे भादंवि 363 अन्वये गुन्हा दाखल असल्याची माहिती समोर आली आहे.
यांनी आवळल्या मुसक्या
ही कारावई जळग्गाव पोलिस अधीक्षक डॉ.महेश्वर रेड्डी, अपर पोलिस अधीक्षक अशोक नखाते, पोलिस उपअधीक्षक संदीप गावीत, जगाव पोलिस उपअधीक्षक नितीन गणापुरे, स्थानिक गुन्हे शाखा पोलिस निरीक्षक राहुल गायकवाड, भुसावळ बाजारपेठ निरीक्षक राहुल वाघ यांच्या मार्गदर्शनाखाली एपीआय नितीन पाटील, पोलिस उपनिरीक्षक मंगेश जाधव, हवालदार विजय नेरकर, हवालदार कांतीलाल केदारे, हवालदार रवींद्र भावसार, शिपाई योगेश माळी, शिपाई प्रशांत सोनार, शिपाई भूषण चौधरी, शिपाई अमर अढाळे, शिपाई जावेद शहा, शिपाई हर्षल महाजन, शिपाई जीवन कापडे, शिपाई योगेश महाजन, शिपाई सचिन चौधरी, शिपाई महेंद्रसींग पाटील, शिपाई मोहसीन शेख, स्थानिक गुन्हे शाखेचे फौजदार रवींद्र नरवाडे, हवालदार उमाकांत पाटील, हवालदार अक्रम शेख, हवालदार गोपाल गव्हाळे, नाईक विकास सातदिवे, शिपाई प्रशांत परदेशी, शिपाई राहुल वानखेडे, शिपाई राहुल रगडे, शिपाई उदय कापडणे, शिपाई रवींद्र चौधरी, शिपाई किशोर पाटील, नेत्रम कॅमेरा विभागाचे शिपाई मुबारक देशमुख, शिपाई पंकज राठोड, शिपाई प्रणय पवार आदींच्या पथकाने केली. तपास पोलिस निरीक्षक राहुल वाघ, हवालदार रमण सुरळकर करीत आहेत.
