Sardar Vallabhbhai Patel Jayanti celebrated with enthusiasm at K. Narkhede School in Bhusawal भुसावळ (31 ऑक्टोबर 2025) : शहरातील के.नारखेडे विद्यालयात लोहपुरुष सरदार वल्लभभाई पटेल यांची 150 वी जयंती साजरी करण्यात आली. यावेळी देशाच्या माजी पंतप्रधान इंदिरा गांधी यांच्या पुण्यतिथीनिमित्त शुक्रवारी त्यांच्या विनम्र स्मृतीस अभिवादन करण्यात आले.
यांची होती उपस्थिती
याप्रसंगी संस्था सेक्रेटरी पी.व्ही.पाटील यांच्याहस्ते सरदार वल्लभभाई पटेल व इंदिरा गांधी यांच्या प्रतिमेस माल्यार्पण आणि अभिवादन करण्यात आले. याप्रसंगी व्यासपीठावर विद्यालयाच्या प्रभारी मुख्याध्यापिका संगीता अडकमोल, पर्यवेक्षक सुनील राणे, ज्येष्ठ शिक्षक सुनील पाठक, संगणक विभागप्रमुख बी.ए.पाटील उपस्थित होते. लीना चौधरी यांनी सरदार वल्लभभाई पटेल यांच्या जीवन व कार्यासंदर्भात माहिती दिली. माजी पंतप्रधान इंदिरा गांधी यांच्याविषयी मेहराज तडवी यांनी मनोगत व्यक्त केले. राष्ट्रीय गीत वंदे मातरम या गीताचे याप्रसंगी सामूहिक गायन करण्यात आले. याप्रसंगी विद्यालयातील सर्व शिक्षक शिक्षकेतर कर्मचारी यांच्या समवेत संगणक विभागातील सर्व शिक्षक शिक्षकेतर कर्मचारी उपस्थित होते.
