शिरपूर पोलिसांची मोठी कारवाई : गावठी पिस्टल, जिवंत काडतूसांसह पुण्यातील आरोपींना बेड्या
Shirpur police take major action : Pune accused arrested with village pistol, live cartridges शिरपूर (31 ऑक्टोबर 2025) : शिरपूर तालुका पोलिसांनी गोपनीय माहितीच्या आधारे पुण्यातील दोन आरोपींना दोन जिवंत काडतूस व कट्ट्यासह बेड्या ठोकल्या आहेत. प्रकाश लक्ष्मण राठोड (23) आणि साहिल युनूस शेख (20, वारजे आंबेडकर चौक, पुणे) अशी अटकेतील आरोपींची नावे आहेत.
गोपनीय माहितीवरून कारवाई
शिरपूर तालुका पोलिस निरीक्षक जयपाल हिरे यांना आरोपींनाबाबत माहिती मिळाल्यानंतर त्यांनी पथकाला निर्देश दिले. राष्ट्रीय महामार्ग क्रमांक 52 जवळ पथकाने गस्त सुरू केल्यानंतर पल्सर (एम.एच.16 डी.एन.5002) आल्यानंतर आरोपींच्या झडतीत दोन जिवंत काडतूस तसेच एक कट्टा जप्त करण्यात आला.
यांनी केली कारवाई
ही कारवाई धुळे पोलिस अधीक्षक श्रीकांत धीवर, अपर पोलिस अधीक्षक अजय देवरे, उपविभागीय पोलिस अधीक्षक सुनील गोसावी, शिरपूर तालुका पोलिस निरीक्षक जयपाल हिरे यांच्या मार्गदर्शनाखाली मनोज कचरे, मिलिंद पवार, संतोष पाटील, संदीप ठाकरे, योगेश मोरे, संजय भोई, सुनील पवार आणि धनराज गोपाळ आदींच्या पथकाने केली.
