भुसावळात विविध कार्यक्रमातून सरदार वल्लभभाई पटेल यांना अभिवादन
मोटर सायकल रॅली, युनिटी फॉर रन, रक्तदान शिबिराचे आयोजन
Salute to Sardar Vallabhbhai Patel through various programs in Bhusawal भुसावळ (1 नोव्हेंबर 2025) : लोहपुरूष सरदार वल्लभभाई पटेल यांच्या जयंती निमीत्त शहरात विविध कार्यक्रमांचे आयोजन केले होते. शासकीय कार्यालयात पटेल यांना अभिवादन करण्यात आले. यात रन फॉर युनिटी, मोटर सायकल रॅली, आरोग्य तपासणी शिबिर, वृक्ष वाटप असे विविध कार्यक्रमांचे आयोजन शहरात केले होते. यात हजारो भुसावळकरांनी सहभाग घेतला होता.
मोटर सायकल रॅली
भारताचे लोहपुरुष आणि एकीचे शिल्पकार भारतरत्न सरदार वल्लभभाई पटेल यांच्या जयंतीनिमित्त शहरात मोटर सायकल रॅलीचे आयोजन शुक्रवारी सकाळी केले होते. ही रॅली सकाळी 8 वाजता नाहाटा कॉलेज येथून रॅलीला प्रारंभ झाला. या रॅलीचा सरदार वल्लभभाई पटेल पुतळ्याजवळ समारोप झाला. या रॅलीचे आयोजन समस्त लेवा पाटील परिवार भुसावळ तर्फे करण्यात आले. विविध समाजघटक, युवक संघटना व नागरिकांना यात सहभागी झाले होते. रॅलीतून सरदार पटेल यांच्या देशाच्या एकतेसाठी केलेल्या कार्याचे स्मरण आणि त्यांचा एक भारत, श्रेष्ठ भारत हा संदेश पोहोचविण्याचा उद्देश होतो. रॅलीमध्ये अनेक जणांनी सहभाग घेतला होता. यावेळी पोलिस बंदोबस्त रॅलीला होता.
डीआरएम कार्यालयात कार्यक्रम
सरदार वल्लभभाई पटेल यांच्या जयंतीनिमित्त राष्ट्रीय एकता दिन मध्य रेल्वेच्या भुसावळ विभागात साजरा करण्यात आला. या निमित्ताने रन फॉर युनिटीया रॅलीचे आयोजन करण्यात आले होते. ही रॅली डीआरएम पुनीत अग्रवाल यांच्या नेतृत्वाखाली पार पडली. रॅलीमध्ये भुसावळ विभागातील अधिकारी,कर्मचारी, रेल्वे शाळेचे शिक्षक व विद्यार्थी तसेच रेल्वे सुरक्षा दलाचे जवान सहभागी झाले होते. ही रॅली डीआरएम कार्यालय परिसरातून सुरू होऊन भुसावळ रेल्वे स्थानकाच्या उत्तर दिशेला समारोप झाला. यावेळी डीआरएम कार्यालयात आयोजित कार्यक्रमात एडीआरएम एम.के.मीणा यांनी सर्व अधिकारी व कर्मचार्‍यांना राष्ट्रीय एकता,अखंडता आणि सुरक्षेचे रक्षण करण्याची शपथ दिली. कार्यक्रमास सर्व शाखांचे अधिकारी व कर्मचारी उपस्थित होते. सर्वांनी एकदिलाने देशाच्या एकता, अखंडता आणि बंधुभाव टिकविण्याचा संकल्प व्यक्त केला. रेल्वे कर्मचार्‍यांनी आणि विद्यार्थ्यांनी एक भारत, श्रेष्ठ भारत या घोषवाक्याने राष्ट्राच्या ऐक्याचा संदेश यावेळी दिला.
उत्सव समितीतर्फे विविध उपक्रम
शहरात सरदार वल्लभभाई पटेल उत्सव समितीतर्फे जयंतीनिमीत्त विविध उपक्रमांचे आयोजन केले होते. या निमित्ताने शहरभर समाजोपयोगी कार्यक्रमांचे आयोजन केले होते. यावेळी महिलांना समिती तर्फे सरदार वल्लभभाई पटेल स्मारकाजवळ 150 वटरुक्षांचे महिलांना वाटप करण्यात आले. पर्यावरण संवर्धनासाठी महिलांनी मोठ्या उत्साहाने सहभाग घेतला. मोफत आरोग्य तपासणी शिबिाचे आयोजन गोल्डन अवर हॉस्पिटल व समितीतर्फे नवशक्ती कॉम्प्लेक्सजवळ केले होते. या शिबिराचा तब्बल 600 नागरिकांनी लाभ घेतला. पटेल जयंती निमीत्त शहरात विविध भागात भगवे ध्वज लावून आणि सजावट करून शहर भगवेमय केले होते.
