Kingaon Budruk village kidnapped by three men for not providing labor यावल (2 नोव्हेंबर 2025) : यावल तालुक्यातील किनगाव बुद्रुक गावातील 50 वर्षीय इसमाचे तिघांनी चुंचाळे फाटा येथून अपहरण केले. या इसमाने मजूर पुरवण्याकामी तिघांकडून पैसे घेतले होते व ते पैसे चुंचाळे येथील एकास दिले होते. ते पैसे परत कर असे सांगून त्यांना जबरदस्तीने तिघांनी चुंचाळे फाटा येथून उचलून नेले. याप्रकरणी यावल पोलिसात तीन जणांविरुद्ध गुन्हा दाखल करण्यात आला.
असे आहे अपहरण प्रकरण
किनगाव बुद्रुक, ता.यावल येथील रहिवासी विकास पुंडलिक पाटील (50) यांनी मजूर पुरवण्याकरिता सोनु डोमाले यांच्याकडून तीन लाख 50 हजार रुपये व ते पैसे त्यांनी चुंचाळे, ता.यावल येथील रहिवासी दिनेश पाटील यांना दिले होते. त्यांनी मजूर दिले नाही व पैसे परत मिळावे म्हणून पिंटू राठोड, नागेश आगोणे व सोनू डोमाले हे 26 ऑक्टोबर रोजी किनगावात आले व त्यांनी विकास पाटील याला चुंचाळे फाटा येथे नेले आणि तेथून पैसे परत केले नाही म्हणून तिघांनी त्यांचे अपहरण केले.
