Two accused who evaded the police in the cattle theft case finally caught जळगाव (2 नोव्हेंबर 2025) : गुरे चोरी प्रकरणात अटक करण्यात आलेल्या दोन आरोपींनी अमळनेर तालुक्यातून पलायन केले होते. याप्रकरणी गुन्हे शाखेतील चार कर्मचार्यांना निलंबितही करण्यात आले मात्र पथकाने दोन्ही आरोपींच्या दिल्ली व दोंडाईचा, जि.धुळे येथून मुसक्या बांधल्या आहेत.
असे आहे प्रकरण
जळगाव एलसीबीचे पथक दोन्ही आरोपींना जळगाव येथून अमळनेरकडे घेऊन येत असताना कुर्हे गावाजवळ सती माता मंदिराच्या अंडरपासमध्ये वाहनाचा वेग कमी होताच दोघांनी मागच्या सीटवरून उडी मारली. बेड्या लागलेल्या असतानाही त्यांनी अंधाराचा फायदा घेतला आणि रेल्वे रुळ ओलांडून शेतात पळ काढला. आरोपींना आणणार्या जबाबदार चारही पोलिसांचे निलंबन जिल्हा पोलिस अधीक्षकांनी केले होते.
दोन्ही आरोपींना अखेर बेड्या
एक आरोपी अमजद फकिरा कुरेशी (रा. मेहरुण, जळगाव) याला दिल्ली येथून अटक करण्यात आली तर दुसरा आरोपी शाकीर शाह अरमान शाह (24, रा. सुप्रीम कॉलनी, जळगाव) याला तांत्रिक बाबीनंतर अजमेर दर्ग्यावर असल्याचे असल्याचे कळताच पथक तेथे गेले मात्र आरोपी तेथून निसटून दोंडाईचा येथे आल्यानंतर त्याला अटक करण्यात आली व अमळनेर पोलिसांच्या स्वाधीन करण्यात आले.
