Retired bank employee in Chalisgaon duped of Rs 75,000 by pretending to be a police officer चाळीसगाव (2 नोव्हेंबर 2025) : पोलिस असल्याची बतावणी करून दोन भामट्यांनी सुमारे 75 हजार रुपयांचे सोन्याचे दागिने चाळीसगावातील सेवानिवृत्त बँक कर्मचार्‍यांकडून गंडवले. ही घटना गुरुवारी सकाळी करगाव रोडवर घडली. चाळीसगाव शहर पोलिसात गुन्हा दाखल करण्यात आला.
असे आहे प्रकरण ?
जयसिंग धनसिंग चव्हाण (62, आदर्शनगर, चाळीसगाव) हे 29 ऑक्टोबर रोजी सकाळी साडेअकराच्या सुमारास दुचाकीवरून भाजीपाला घेऊन घरी जात असताना अमर प्लाझा बिल्डिंगजवळ आलेल्या दोघांनी त्यांना अडवले. आम्ही पोलीस आहोत, शहरात लुटमार सुरू आहे, सोने घालू नका, पाच हजार दंड आहे, असे सांगून त्यांनी चव्हाण यांच्या अंगावरील सोन्याची चेन आणि अंगठी तपासाच्या नावाखाली घेतली.
