महायुतीत राष्ट्रवादीसह शिंदे गटाची गरज संपली ! आता कुबड्या चुलीत घातल्या जातील : आमदार रोहित पवारांची खोचक टीका
The need for the Shinde group including the NCP in the Mahayuti is over! Now the hunchbacks will be put in the oven : MLA Rohit Pawar’s scathing criticism पुणे (2 नोव्हेंबर 2025) : राष्ट्रवादी काँग्रेस शरद पवार गटाचे आमदार रोहित पवार यांनी बोगस मतदार यादीवरून शिंदे व राष्ट्रवादीतील पवार गटावर निशाणा साधला आहे. गृहमंत्री अमित शाह यांच्या विधानाचा पुर्नउच्चार करीत त्यांनी कुबड्या आता चुलीत घातल्या जातील, असे म्हणत खळबळ उडवून दिली आहे.
काय म्हणाले आमदार पवार ?
स्थानिक स्वराज्य संस्थांच्या निवडणुकांमध्ये युती नसल्याने बोगस मतदार याद्यांचा फटका बसून गेम होईल या भीतीने सत्तेतील इतर दोन मित्रपक्ष प्रचंड चिंतेत पडल्याने अनेक आमदारांची खदखद आता समोर येत असल्याची टीका आमदार रोहित पवार यांनी ट्विट व्यक्त केली आहे.
विधानसभेला गार गार वाटणारा खोळ आता मात्र अवघड दुखणे
आमदार पवार म्हणाले की, कालचा आमचा मोर्चा बघून सत्ताधारी इतर दोन पक्षातील काहींचे फोन आले असून दुबार तसेच बोगस मतदार रोखण्यासंदर्भात चर्चा केली. विधानसभेला गार गार वाटणारा मतदार याद्यांचा घोळ आता मात्र अवघड जागेचे दुखणे झाले असेच म्हणावे लागेल, अशी टीका पवारांनी केली आहे.
पुढे बोलताना रोहित पवार म्हणाले, एकंदरीत महायुतीतच प्रचंड धुसफूस आहे. ही धुसफूस एवढी वाढलीय की एमओएच्या निवडणुकीसाठी सुद्धा अजित दादांना दोन दोनदा बैठका घ्याव्या लागत आहेत. सर्वच ठिकाणी भाजपा हस्तक्षेप करत असून भाजपसाठी दोन्ही मित्रपक्षांची यूटिलिटि संपल्याचीच ही चिन्हे दिसत आहेत. अमित शहा साहेबांनी सांगितल्याप्रमाणे कुबड्या काढून फेकण्याची ही नांदी म्हणावी लागेल. आता या कुबड्या अडकवल्या जातील की चुलीत पेटवल्या जातील हेच बघणे महत्वाचे ठरेल.
