गोदावरी महाविद्यालयातून 12 लाखांची रोकड चोरीला
जळगावात महामार्गावरील घटना : चार चोरटे सीसीटीव्हीत कैद
Cash worth Rs 12 lakh stolen from Godavari College जळगाव (2 नोव्हेंबर 2025) : गोदावरी अभियांत्रिकी महाविद्यालयात चोरीची घटना समोर आली असून चोरट्यांनी तब्बल 11 लाख 85 हजारांची रोकड चोरी केल्याप्रकरणी जळगाव एमआयडीसी पोलिसात गुन्हा दाखल करण्यात आला..
काय घडले महाविद्यालयात ?
गोदावरी अभियांत्रिकी महाविद्यालयात दिवाळीनिमित्त सुट्टीमुळे काही कार्यालये बंद होती. याचाच फायदा घेत चोरट्यांनी मध्यरात्री संस्थेत प्रवेश केला. शुक्रवार, 31 ऑक्टोबर रोजी पहाटे चार वाजेच्या सुमारास चोरट्यांनी आस्थापना विभागातील चार कॅबीनची कपाटे फोडत सुमारे 11 लाख 85 हजारांची रोकड लांबवली.
चोरटे सीसीटीव्हीत कैद
चोरीची माहिती मिळताच एमआयडीसी पोलिसांनी घटनास्थळी धाव घेत पंचनामा केला आणि सीसीटीव्ही फुटेज तपासण्यास सुरुवात केली आहे. चोरीची ही संपूर्ण घटना विभागातील सीसीटीव्ही कॅमेर्यांमध्ये कैद झाली. फुटेजमध्ये एकूण चार चोरटे चोरी करताना स्पष्टपणे दिसून आले आहेत. दरम्यान, पहाटे साडेसहा वाजता साफसफाईसाठी शिपाई आल्यानंतर चोरीचा प्रकार समोर आला.
