5 नोव्हेंबरपासून पालिका निवडणुकीसाठी आचारसंहिता ! : राष्ट्रवादीच्या नेत्याने संभाव्य निवडणुकांचा आडाखाच मांडला
Code of conduct for municipal elections from November 5 ! : NCP leader outlines possible elections पुणे (2 नोव्हेंबर 2025) : राज्यातील महापालिका व पालिकांच्या निवडणुका कधी जाहीर होणार? याकडे राज्यातील जनतेचे लक्ष लागून असतानाच अजितदादा पवारांच्या राष्ट्रवादीतील आमदार दिलीप-वळसे पाटील यांनी मात्र 5 नोव्हेंबरपासून पालिका निवडणुकांची आचारसंहिता जाहीर होणार असल्याचे भाकीत वर्तवत कार्यकर्त्यांना कामाला लागण्याचे सूचवले आहे.
राष्ट्रवादी काँग्रेस पक्ष आंबेगाव-शिरूर तर्फे आयोजित मेळाव्यात दिलीप वळसे पाटील मार्गदर्शन करताना म्हणाले, नगरपरिषदेची निवडणुका सुरू असताना जिल्हा परिषदेच्या निवडणुका जाहीर होतील. माझी जी माहिती आहे त्या माहिती प्रमाणे साधारणपणाने 15 डिसेंबरला जिल्हा परिषद निवडणुकीचे मतदान होईल. जिल्हा परिषदेच्या निवडणुका चालू असताना महानगरपालिकांच्या निवडणुका जाहीर होतील. 15 जानेवारीला महापालिका निवडणुकीचे मतदान होईल.’
5 रोजी पालिका निवडणुका जाहीर होणार !
5 नोव्हेंबरला राज्यातील स्थानिक स्वराज संस्थांच्या निवडणुका जाहीर होतील, असा अंदाज दिलीप वळसे पाटील यांनी जाहीर केला. 5 नोव्हेंबरला बुधवार आहे म्हणजे त्याच दिवसापासून आचारसंहिता देखील लागू होईल. प्रथम नगर परिषदेच्या निवडणुका पार पाडतील, असे देखील त्यांनी सांगितले. या निवडणुका सुरू असतानाच जिल्हा परिषदेच्या निवडणुकीची घोषणा होईल.
मुंबई महापालिकेसाठी महायुती होईल आणि इतरत्र महायुतीमधील पक्ष स्वतंत्र लढतील अशी शक्यता आहे. स्थानिक समीकरणानुसार युती करायची की नाही याचा निर्णय महायुतीमधील स्थानिक पातळीवरचे नेते घेणार आहेत.
