कमजोर समजू नका ; सन्मानजनक जागा दिल्या तरच भाजप सोबत युती ! : भुसावळात पालकमंत्री गुलाबराव पाटील गरजले
Don’t consider us weak; Alliance with BJP only if we are given respectable seats: Guardian Minister Gulabrao Patil in Bhusawal भुसावळ (3 नोव्हेंबर 2025) : भुसावळसह वरणगावात शिवसेनेला कमजोर समजू नका, भुसावळ तालुका आधीपासून शिवसेनेचा बालेकिल्ला राहिला आहे म्हणून दोन्ही ठिकाणी शिवसेनेला सन्मानजनक जागा दिल्या तरच भाजप सोबत युती करू अन्यथा स्वबळावर लढू असा इशारा शिवसेना नेते, पालकमंत्री गुलाबराव पाटील यांनी केले.
संतोषी माता सभागृहात रविवारी झालेल्या शिवसेनाच्या तालुका मेळाव्यात ते बोलत होते.
यांची मेळाव्याला उपस्थिती
यावेळी शिवसेनेचे जिल्हाप्रमुख तथा माजी महापौर विष्णू भंगाळे, महिला जिल्हाप्रमुख नंदा निकम, युवा सेनेचे जिल्हाप्रमुख पवन भोळे आदींसह पदाधिकारी व्यासपीठावर उपस्थित होते.
यांनी केला शिवसेनेत प्रवेश
या मेळाव्यात माजी नगराध्यक्ष माधुरी फालक, माजी नगरसेवक अमोल इंगळे, अॅड.कैलास लोखंडे, मनसेचे राहुल सोनटक्के आदींसह शेकडो कार्यकर्त्यांनी शिवसेनेत प्रवेश केला.सूत्रसंचालन व प्रास्ताविक माजी नगरसेवक दीपक धांडे यांनी तर आभार जिल्हा परिषदेचे माजी सदस्य विश्वनाथ पाटील यांनी मानले.
शिवसैनिकांमध्ये चैतन्य
कार्यक्रमस्थळी भगवे झेंडे, ढोल-ताशांचा गजर, फटाक्यांचा आवाज आणि जय शिवसेनाच्या घोषणांनी संपूर्ण वातावरण भगवेमय झाले होते. स्व.जिल्हाप्रमुख राजेंद्र यांनी 2009 मध्ये संतोषी माता हॉलमध्ये घेतलेल्या शेवटच्या मेळाव्याची आठवण या कार्यक्रमात जागी झाली. जुन्या कार्यकर्त्यांमध्ये नवचैतन्य संचारले.
यांची होती उपस्थिती
ज्येष्ठ शिवसैनिक विलास मुळे, विधानसभा क्षेत्र प्रमुख संतोष माळी, शहर प्रमुख पवन नाले, महिला तालुकाप्रमुख वर्षा तल्लारे, महिला शहर प्रमुख दीपाली बर्हाटे, श्रद्धा गायकवाड, उपतलुका प्रमुख जितेंद्र नागपुरे, सुरेश कोल्हे, गजानन पालोदे, वरणगाव शहर प्रमुख दुर्गेश बेदरकर, विलास वंजारी, अल्पसंख्यांक आघाडीचे सैयद जाफर अली यांच्यासह शहर व ग्रामीण भागातील पदाधिकारी, कार्यकर्ते, शिवसैनिक व युवा सैनिक मोठ्या संख्येने उपस्थित होते.
