Pune shaken again : One killed in broad daylight पुणे (4 नोव्हेंबर 2025) : पुण्यात हत्येचे सत्र कायम असून खुनानंतर पुन्हा तिसर्‍या दिवशी बाजीराव रोडवर मयंक खराडे नामक व्यक्तीची हत्या करण्यात आल्याचे समोर आले आहे. गेल्या तीन दिवसात झालेला हा दुसरा खून असल्याने शहरात खळबळ उडाली आहे.
तीन दिवसात दुसरी हत्या
दोनच दिवसांपूर्वी पुण्यात गणेश काळे हत्याप्रकरणाने खळबळ उडाली होती. त्यानंतर आता 17 वर्षीय मयंक खराडे या युवकाचा खून करण्यात आला. पुण्यातील मध्यवर्ती भाग असलेल्या बाजीराव रोडवर खुनाची घटना घडली असून धारदार शस्त्र वापरत आरोपीने खून केल्याची माहिती आहे. या खुनाच्या घटनेचं कारण अद्याप अस्पष्ट असून पोलिसांनी घटनास्थळी धाव घेत तपास सुरू केला आहे.
तोंडावर मास्क लावून आले होते आरोपी
पुण्यात रक्तरंजित थराराची घटना घडली असून 17 वर्षीय तरुणावर वार करून तीन जणांनी त्याचा खून केला आहे. मंगळवारी दुपारी 3.15 वाजण्याच्या सुमारास ही घटना घडली. अभिजीत इंगळे व त्याचा मित्र मयंक खराडे हे त्यांच्या दुचाकीवर जात असताना महाराणा प्रताप उद्यानाच्याजवळ दखनी मिसळच्या समोर अचानक जनता वसाहतमधील तीन तरुणांनी मयंक खराडे याच्या डोक्यात व तोंडावर शस्त्राने वार केले. त्यामध्ये मयंक या तरुणाचा जागीच मृत्यू झाला.
