Beware of fake identities on social media: Police Inspector Samadhan Wagh धुळे (5 नोव्हेंबर 2025) : सोशल मीडियावर अनेकजण खोट्या प्रोफाईल तयार करून फसवणूक करण्याचे प्रमाण व प्रकार वाढले आहेत. अनोळखी फ्रेड रिक्वेस्ट अ‍ॅक्सेप्ट करू नका तसेच संबंधितांनी दिलेल्या आमिषांनी भुलून आपली फसवणूक टाळा, असे आवाहन धुळ्यातील देवपूर पोलिस ठाण्याचे निरीक्षक समाधान वाघ यांनी केले आहे.
सोशल मिडीया वापरताना जपूनच !
फसवणूक करणार्‍या व्यक्ती एखाद्या व्यक्तीचे किंवा संस्थेचं नाव वापरून विश्वास संपादन करतात आणि नंतर आर्थिक लाभ घेण्याचा प्रयत्न करतात. सोशल मिडीया वापरताना नेहमी खात्याची पडताळणी करा, निळा टिकमार्क, ओळखीचा प्रोफाइल फोटो आणि योग्य युजरनेम तपासा तसेच अनोळखी लिंकवर क्लिक करू नका आणि कोणालाही वैयक्तिक माहिती देऊ नका व अशा खोट्या खात्यांची माहिती त्वरित संबंधित प्लॅटफॉर्मला किंवा पोलिसांना कळवा, असे आवाहन पोलिस निरीक्षक समाधान वाघ यांनी केले.
