यावल शहरात अपघातात महिला ठार
फॉरेस्ट नाक्याजवळ भरधाव चारचाकी दुचाकीला धडकली
Woman killed in accident in Yaval city यावल (6 नोव्हेंबर 2025) : शहरातून चोपडाकडे जाणार्‍या रस्त्यावर फॉरेस्ट नाक्याजवळ दुचाकीला भरधाव चारचाकी वाहनाने धडक दिल्याने दुचाकीवरील तिघे जखमी झाले. जखमींपैकी महिलेचा उपचारादरम्यान मृत्यू झाला आहे. मयत महिाला कासारखेडा येथील रहिवासी आहे. अपघात प्रकरणी यावल पोलिसात चारचाकीवरील चालकाविरोधात गुन्हा दाखल करण्यात आला.
असा घडला अपघात
यावल शहरातून मार्गस्थ होणार्‍या अंकलेश्वर-बर्‍हाणपूर राज्य मार्गावर चोपड्याकडे जातांना फॉरेस्ट नाका आहे. या नाक्याच्या समोरून कासारखेडा येथून दुचाकी (क्रमांक एम.एच.19 डी. वाय. 9047) द्वारे रसूल रहिमान तडवी, आलिशान रहिमान तडवी व सलीमा रहीम तडवी हे जात असताना त्यांच्या दुचाकीला चारचाकी कार (क्रमांक एम.पी. 09 डब्ल्यू. एल. 3915) वरील अज्ञात चालकाने धडक दिली. या अपघातामध्ये तिघे जखमी झाले. जखमींमधील आलीशान तडवी या महिलेचा उपचारादरम्यान मृत्यू झाला.
