बताओ कलेक्टर बडा है या गुलाबराव पाटील बडा है? बुलढाण्यात गुलाबराव पाटलांची तुफान फटकेबाजी
Tell me, is the Collector bigger or is Gulabrao Patil bigger? Gulabrao Patil’s stormy attack in Buldhana बुलढाणा (6 नोव्हेंबर 2025) : बताओ कलेक्टर बडा है या गुलाबराव पाटील बडा है? सरकार दोन गोष्टींवर चालतं जीआरवर आणि सीआरवर… और हम जीआर भी निकलते है और तुम्हारा सीआर भी निकालते है! ही ताकद आहे लोकप्रतिनिधींची त्यामुळे फ्रेश रहा कधी जीव जाईल सांगता येत नाही, अशी फटकेबाजी गुलाबराव पाटील यांनी बुलढाण्यात खासदार श्रीकांत शिंदे यांच्यासमोर केली. खासदार संजय राऊत यांच्या प्रकृतीवरही त्यांनी भाष्य करीत टीकेचे बाण चालवले.
केस नाही तो शिवसैनिक कसला ?
मंत्री गुलाबराव पाटील म्हणाले की, संजय रायमुलकर पडले नाहीत, त्यांना पाडलं गेलं आणि तेही आपल्याच लोकांकडून पाडलं गेलं. बाई कशीही असो कपाळावर कुंकू असलं की शोभून दिसतं. माणूस कसाही असो नकटा-चपटा आपला तो आपला असतो. बुलढाणावाले सगळे कलाकार आहेत तुम्ही लोक साधे नाहीत. आमच्यावर पोलिस केस झाली नाही तर तो शिवसैनिकच होऊ शकत नाही, अशी आमची संकल्पना होती. एका केसमध्ये तर मी, माझा लहान भाऊ, मोठा भाऊ आणि माझा बाप एकाच बॅरेकमध्ये आम्ही होतो.
गुलाबराव पाटील पुढे म्हणाले की, बघा ना माझा संजय राऊत कसा ऍडमिट आहे. काय सांगावं तुम्हाला. वो मेरा माल है भाई, माल है. ते वाचलं पाहिजे. मी देवाला प्रार्थना केली की त्याला सद्बुद्धी दे. सत्यानाश करणार्या लोकांना देवाने चांगली बुद्धी दिली तर उद्धव ठाकरेंसोबत जे 20 लोकं आहेत ते टिकून राहतील, असा टोला त्यांनी यावेळी ठाकरे गटाचे प्रमुख उद्धव ठाकरे यांना लगावला.
