भुसावळ (6 नोव्हेंबर 2025) : दक्षिण पूर्व रेल्वेच्या शालिमार स्थानकावर सुरू असलेल्या यार्ड रिमॉडेलिंग (नॉन-इंटरलॉकिंग) कामामुळे एकूण चार रेल्वे गाड्या रद्द करण्यात आल्या असून चार गाड्या शॉर्ट टर्मिनेट केल्या आहेत. यामुळे भुसावळ विभागातून धावणार्‍या रेल्वे गाड्या मुळे प्रवाशांना सुविधा मिळणार आहे.
रेल्वेने कामांसाठी घेतला ब्लॉक
रेल्वे स्थानकासह परिसरातील कामांसाठी ब्लॉक घेतला आहे. यामुळे भुसावळ विभागातून धावणार्‍या चार रेल्वे गाड्या रद्द केल्या आहे. रद्द झालेल्या गाड्यामध्ये गाडी 18029 लोकमान्य टिळक टर्मिनस – शालीमार एक्सप्रेस गाडीचा समावेश आहे. 13 ते 19, 22 व 23 नोव्हेंबर 2025 या काळात ही गाडी रद्द आहे, तर गाडी 18030 शालिमार-लोकमान्य टिळक टर्मिनस एक्सप्रेस ही गाडी सुध्दा दि. 13 ते 21 नोव्हेंबर 2025, गाडी 12151 लोकमान्य टिळक टर्मिनस- शालिमार एक्सप्रेस 12, 13 व 19 नोव्हेंबर 2025 या दिवशी रद्द आहे तर गाडी 12152 शालिमार – लोकमान्य टिळक टर्मिनस एक्सप्रेस 14, 15 व 21 नोव्हेंबर 2025 या काळात रद्द करण्यात आली आहे.
शॉर्ट टर्मिनेट होणार्‍या गाड्या
गाडी 12101 लोकमान्य टिळक टर्मिनस-शालिमार एक्सप्रेस ही गाडी दि. 18 नोव्हेंबर रोजी सांत्रागाची येथे शॉर्ट टर्मिनेट केली तर गाडी 12102 शालिमार -लोकमान्य टिळक टर्मिनस एक्सप्रेस ही गाडी दि. 20 नोव्हेंबर रोजी सांत्रागाची येथून नियोजित वेळेत सुटणार आहे. गाडी 12905 पोरबंदर-शालिमार एक्सप्रेस ही गाडी 19 नोव्हेंबर रोजी
संत्रागाची येथे शॉर्ट टर्मिनेट करणार आहे. गाडी 12906 शालिमार- पोरबंदर एक्सप्रेस 21 नोव्हेंबर रोजी सांत्रागाची येथून नियोजित वेळेत सुटणार आहे.
