1800 कोटींच्या जमिनीची अवघ्या 300 कोटीत खरेदी : उद्धव ठाकरेंनी मिधेंच्या नेत्यांची मुले म्हणत भाजपला केले टार्गेट
Purchase of land worth 1800 crores for just 300 crores : Uddhav Thackeray targets BJP, calling them the children of Midhe leaders पुणे (6 नोव्हेंबर 2025) : पुण्यात 1800 कोटींची जमीन पार्थ पवारा यांच्या कंपनीने केवळ 300 कोटींमध्ये घेतली तसेच यासाठी स्टँप ड्युटी म्हणून केवळ 500 रुपये मोजल्याची बाब समोर आल्यानंतर ठाकरे गटाचे प्रमुख उद्धव ठाकरे यांनी शिवसेना शिंदे गटासह राष्ट्रवादी काँग्रेस आणि भाजपावर कडक शब्दात टीका केली आहे.
काही होणार नाही क्लीन चीटच मिळणार!
ठाकरे म्हणाले की, मला कोणाच्या मुला-बाळाच्या प्रकरणवर बोलायचं नाही. आधी मिंदेच्या लोकांचे मुलाचे प्रकरण बाहेर येत होते आत्ता अजित पवारच्या मुलाचे प्रकरण बाहेर आले आहे. आत्ता मीडिया विचारते यावर तुमची प्रतिक्रिया काय? मी सांगतो काही होणार नाही यात चौकशी करतील आणि क्लीन चिट मिळेल. ते जमिनी कमावतील. तुम्ही बसा, असे ठाकरे म्हणाले.
नेमकं प्रकरण काय?
1800 कोटींची जमीन पार्थ पवारांच्या कंपनीने केवळ 300 कोटींमध्ये घेतली तसेच यासाठी स्टँप ड्युटी म्हणून केवळ 500 रुपये मोजल्याचा आरोप शिवसेना ठाकरे गटाचे नेते अंबादस दानवे यांनी केला. महत्वाचं म्हणजे पार्थ पवारांनी कोरेगाव पार्कात आयटी पार्क आणि डेटा सेंटर उभारण्याची तयारीही चालवली. एक लाखाचे भांडवल असलेल्या कंपनीला हे कसे काय शक्य होते, असा सवाल अंबादास दानवेंनी उपस्थित केला. या व्यवहारासाठी उद्योग संचालनालयाने 48 तासात स्टॅम्प ड्युटीही माफ केली, तर केवळ 27 दिवसांत हा व्यवहार झाला असे अंबादास दानवे म्हणाले.
मुख्यमंत्री म्हणाले, चौकशीचे आदेश
मुख्यमंत्री देवेंद्र फडणवीस म्हणाले की, मी सर्व माहिती मागवली आहे. महसूल विभाग, आयजीआर, लँड रेकॉर्ड संदर्भातील सर्व माहिती मी मागवली आहे. या संदर्भातील योग्य ते चौकशीचे आदेश देखील मी दिलेले आहेत, असं म्हणाले.
