सून खासदार झाल्या तेव्हा मतदार यादीत घोळ नव्हता का ! : मंत्री महाजनांनी आमदार खडसेंना सुनावले
Wasn’t there a mistake in the voter list when the daughter-in-law became an MP?: Minister Mahajan asked MLA Khadse नाशिक (6 नोव्हेंबर 2025) : आमदार एकनाथ खडसे यांच्या स्नुषा रक्षा खडसे या लोकसभेत निवडून आल्या त्यावेळी मतदारयाद्यांमध्ये घोळ नव्हता का? असा प्रश्न मंत्री गिरीश महाजन यांनी उपस्थित करीत आमदार एकनाथराव खडसेंवर टीकेचे बाण चालवले. मुलगी हरली तर घोळ सुन जिंकली तर सर्वकाही ठीक ही खडसेंची भुमिका असल्याचे महाजन म्हणाले.
महाजन म्हणाले, हा तर रडीचा डाव
2 डिसेंबर रोजी नगरपालिका व नगरपंचायत निवडणूका जाहीर झाल्या आहेत. त्या जाहीर होणार होत्याच तसे सुतोवाच झालेच होते. आम्ही आणि महायुती या निवडणुकांसाठी सज्ज असल्याचे मत मंत्री गिरीश महाजन यांनी व्यक्त केले. महायुतीच राज्यात निवडून येणार असल्याचा विश्वासही त्यांनी व्यक्त केला. मतदार याद्यांमधील घोळ हा विरोधकांचा कांगावा, रडीचा डाव आहे. उद्धव ठाकरे, शरद पवार, संजय राऊतं, राहुल गांधी यांचा हा डाव असल्याचे महाजन म्हणाले.
टोकाची भुमिका असेल तर मग तिथे मैत्रीपुर्ण लढू
आपण लोकसभा जिंकलो तर बरोबर, हरलो तर चुकीचे, संधी पाहून विरोधकांचे विचार बदलता, अशी टीका महाजन यांनी विरोधकांवर केली. विरोधकांनी पुन्हा एक नेरेटीव्ह सेट करण्याचा प्रयत्न केला आहे. पण हा नेरेटीव्ह यशस्वी होणार नाही. आमची महायुती म्हणून लढण्याची भूमिका आहे. पण काही ठिकाणी टोकाची भुमिका असेल तर मग तिथे मैत्रीपुर्ण लढू असेही महाजन म्हणाले.
मतदार यांद्यामध्ये कुठेही घोळ नाही
मतदार यांद्यामध्ये कुठेही घोळ नाही. कुठे प्रिंटीग मिस्टींग, दोन वेळा नाव असेल असे होत असते. पण याद्यामध्ये एवढ्या त्रृटी नाहीत की देशातील चित्र बदलेल आणि फक्त भाजपाच निवडून येईल. मग चारशे पारचा नारा देवून आम्ही का मागे पडलो? पण आम्ही याद्यांमध्ये घोळ असे म्हटले नाही. रडत बसायच का असा टोलाही त्यांनी विरोधकांना लगावला.
