Brutal murder of a married woman due to an immoral relationship : Boyfriend in chains सोलापूर (6 नोव्हेंबर 2025) : विवाहितेशी असलेल्या अनैतिक संबंधातून तरुणाने विवाहितेची गळा आवळून धारदार शस्त्राने घाव घालत हत्या केली. ही घटना सोलापूरात घडली. पूनम बालाजी निरफळ (35) असे खून झालेल्या विवाहितेचे नाव आहे तर आरोपी केतन जैन यास अटक करण्यात आली असून त्यास सात दिवसांची पोलिस कोठडी सुनावण्यात आली.
काय घडले विवाहितेसोबत
बार्शी शहरात उपळाई रोडवर शेंडगे प्लॉट भागात विवाहिता पती व मुलासोबत वास्तव्यास होती. सोमवारी दुपारी तिचे पती धाराशिवला गेले. पत्नीने आज तुळशी विवाह असल्याने येताना ऊस घेऊन या, असा फोनवर निरोप दिला होता. बालाजी हे चार वाजण्याच्या दरम्यान परतले असता गेट, घराचे दरवाजे बंद दिसले. त्यांनी पूनमला कॉल केला तरी ती फोन उचलत नव्हती त्यामुळे त्यांनी कुलूप तोडून घरात प्रवेश केला तेव्हा त्यांना जबर धक्का बसला. पूनमचा गळा चिरलेला अन मृतावस्थेत ती रक्ताच्या थारोळ्यात आढळली.
खुनानंतर बालाजी निरफळ यांनी तत्काळ पोलिसांशी संपर्क साधून माहिती दिली. सीसीटीव्ही कॅमेर्‍यात केतन हा घरातून बाहेर पडताना दिसला. दरम्यान सुमारे सहा वर्षापूर्वी केतन आणि पूनमने परस्परांना मोबाइलवर केलेले मेसेज आढळले असून त्यातून अनैतिक संबंधातून खून झाल्याचा निष्कर्ष काढण्यात आला आहे.
खून झालेल्या विवाहितेचा पती म्हणाला की, आपल्या मुलाने केतन काका वारंवार घरी येत असल्याचे व ते आईला शिवीगाळ व मारहाण करीत असल्याचे सांगितले होते. शिवाय आई म्हणायची की, हे कोणाला सांगायचं नाही, नाहीतर मी रागावेन त्यामुळे मी आजवर सांगितलं नाही, असेदेखील मुलाने सांगितल्याचे पतीने यावेळी सांगितले.
