भुसावळात निवडणूक काळात उपद्रवींवर होणार शहरबंदी : पोलिस उपअधीक्षक संदीप गावीत
City curfew will be imposed on troublemakers during the election period in Bhusawal : Deputy Superintendent of Police Sandeep Gavit भुसावळ (7 नोव्हेंबर 2025) : आगामी पालिकेच्या निवडणुकीच्या पार्श्वभूमीवर शहरात शांतता व कायदा सुव्यवस्था अबाधित राहावी यासाठी उपद्रवी व गुन्हेगारी प्रवृत्तीच्या व्यक्तींवर शहरबंदीची कारवाई करण्यात येणार आहे. यासाठी बाजारपेठ व शहर तसेच तालुका पोलिस ठाणे हद्दीतील अशा व्यक्तींची यादी तयार करण्याचे आदेश डीवायएसपी संदीप गावीत यांनी संबंधित प्रभारी अधिकार्‍यांना दिले आहेत.
तपशीलानुसार पोलिसांची कारवाई
मिळालेल्या आदेशानुसार क्राईम विभागातर्फे उपद्रवींवरील तपशील गोळा करण्याची प्रक्रिया सुरू आहे. ज्यांच्यावर यापूर्वी मारामारी, दहशत निर्माण करणे, बेकायदेशीर जमावबांधणी, दारू किंवा शस्त्र बाळगणे, निवडणुकीच्या काळात केलेले गुन्हे तसेच शांतता भंग करणार्‍या गुन्ह्यांची नोंद आहे,अशांचा स्वतंत्र डेटा तयार केला जात आहे. निवडणूक काळात वातावरण तापू नये, राजकीय वा वैयक्तिक वाद वाढू नयेत, कोणत्याही प्रकारची गोंधळाची परिस्थिती निर्माण होऊ नये,यासाठी ही कारवाई महत्त्वाची मानली जात आहे. यादी तयार झाल्यानंतर संबंधित व्यक्तींना शहरातून हद्दपार करणे किंवा कडक पोलीस बंदोबस्ताखाली ठेवण्याचे प्रस्ताव पुढे पाठवण्यात येणार आहेत.
