डिजिटल अॅरेस्ट हा प्रकार फसवा ; फोन वा व्हिडिओ कॉल आल्यास सतर्क रहा : पोलिस निरीक्षक समाधान वाघ
Digital arrest is a scam ; be alert if you receive a phone or video call : Police Inspector Samadhan Wagh धुळे (8 नोव्हेंबर 2025) : सायबर भामट्यांकडून फसवणुकीचे विविध प्रकार केले जातात. त्यात हल्ली विविध वयोगटातील नागरिकांना फोन कॉलद्वारे धमकावून पोलिस, सीबीआय, इन्कम टॅक्स किंवा सरकारी अधिकारी असल्याचे भासवून व्हिडिओ कॉलद्वारे पैसे उकळले जातात शिवाय तुमच्या बँक खात्याचा वापर मनी लॉण्ड्रींगसाठी झाल्याचे भासवून लुबाडले जाते शिवाय पोलिसांची कारवाई दाखवण्यासाठी नकली पोलिस ठाण्याचा सेटअप उभारून तुम्हाला डिजिटल अॅरेस्ट केली जाते मात्र हा प्रकार फसवणुकीचा असून अशा फसव्या कॉलपासून सावध रहावे, असे आवाहन धुळे देवपूर पोलिस निरीक्षक समाधान वाघ यांनी केले आहे.
तातडीने नोंदवा तक्रार
पोलिस किंवा सरकारी अधिकारी कधीही व्हिडिओ कॉलवर चौकशी करत नाहीत त्यामुळे कुणालाही वैयक्तिक माहिती शेअर करू नका तसेच आधार क्रमांक, पॅन क्रमांक, खाते क्रमांक, ओटीपीची माहिती देऊ नका, फसवे कॉल्स वा व्हिडिओ कॉल्स आल्यास तातडीने सायबर क्राईम वेबसाईटवर तक्रार नोंदवा तसेच भारतात डिजिटल अॅरेस्ट अशी कुठलीही प्रक्रिया नसल्याचे पोलिस निरीक्षक समाधान वाघ यांनी सांगितले.
