सांगवी बुद्रुकच्या युनियन बँकेतील खातेदाराच्या वारसाला विमा धानादेशाचे वितरण
Distribution of insurance money order to the heirs of Sangvi Budruk’s Union Bank account holder यावल (8 नोव्हेंबर 2025) : यावल तालुक्यातील सांगवी बुद्रुक येथील युनियन बँक ऑफ इंडिया बँक शाखेत खातेदाराच्या मृत्यू पश्चात त्यांच्या वारसाला विमा धनादेश वितरण करण्यात आला. प्रधनमंत्री जीवन ज्योती विमा अंतर्गत ग्राहकांचा विमा काढण्यात आला. त्यांच्या मृत्यूनंतर तो बँकेकडून मंजूर करण्यात आला व दोन लाखांचा धनादेश मयताच्या वारसाच्या सुपूर्त करण्यात आला.
खातेदाराचे झाले : बँकेने दिला विम्याचा लाभ
सांगवी बुद्रुक ता.यावल येथील युनियन बॅक ऑफ इंडीयाची शाखा आहे या शाखेत दिवंगत सुभाष मेघे यांचे खाते होते व त्यांच्या खात्याच्या माध्यमातून त्यांचा बँकेच्या वतीने प्रधानमंत्री जीवन ज्योती विमा काढण्यात आला होता मात्र त्यांचे नुकतेच त्यांचे निधन झाले व त्यांच्या निधनापश्चात या योजनेतील विमा मंजुरी करीता बँकेच्या वतीने पुढाकार घेण्यात आला. विमा हा मंजुर झाला तेव्हा शुक्रवारी बँकेत एका कार्यक्रमाचे आयोजन करीत त्यांच्या वारस असलेल्या पत्नी सुनीता सुभाष मेघे यांना प्रधानमंत्री जीवन ज्योती बीमा योजना अंतर्गत दोन लाख रुपयांचा विमा लाभ प्रदान करण्यात आला.
यांची होती उपस्थिती
प्रसंगी शाखा व्यवस्थापक शशिकांत व्यवहारे, संस्थेचे तालुका समन्वयक सचिन बरडे, बँक कर्मचारी नीता सुतार, सचिन राजणे, चेतन कोळी आणि स्थानिक मान्यवर उपस्थित होते. प्रधानमंत्री जीवन ज्योती बीमा योजना ही 18 ते 50 वयोगटातील नागरिकांसाठी केवळ 436 वार्षिक प्रीमियमवर उपलब्ध असून अपघाती किंवा नैसर्गिक मृत्यूच्या प्रकरणात दोन लाख रुपयांचा विमा लाभ दिला जातो.तेव्हा या विम्याचा लाभ नागरीकांनी घ्यावा असे आवाहन करण्यात आले.
