भुसावळ शहर पोलिसांची मोठी कारवाई : माणकबागेतील चोरी प्रकरणी मध्यप्रदेशातील चोरट्यांना बेड्या
Major action by Bhusawal city police : Thieves from Madhya Pradesh arrested in Manak Bagh theft case भुसावळ (9 नोव्हेंबर 2025) : शहरातील मानकबाग भागात वास्तव्यास असलेल्या श्रीकांत कुळकर्णी यांच्या घरातून 10 हजार रुपये रोख व 8 हजार रुपये किंमतीचा मोबाईल चोरीला गेला होता. चोरीची घटना 12 ऑक्टोबर रोजी रात्री दोन ते पाच वाजेच्या दरम्यान घडली. याप्रकरणी शहर पोलिसांनी मोबाईलच्या लोकेशनवरून मध्यप्रदेशातून सेंधवा येथून दोन संशयीतांच्या मुसक्या आवळल्या आहेत.
काय आहे प्रकरण ?
श्रीकांत कुळकर्णी यांच्याकडे झालेल्या घरफोडी प्रकरणी शहर पोलिसास गुन्हा दाखल होता. पोलिसांनी मोबाईलच्या तांत्रिक विश्लेषणाच्या आधारे दोन संशयिताना मध्यप्रदेशातून अटक केली. या गुन्ह्यातील चोरीस गेलेल्या मोबाईलचे लोकोशन काढल्यानंतर आरोपी अनिल जगदीश सेनानी (रा.सेंधवा जि.बडवानी) व अतुल सोलंकी (रा.जामठी, तालुका वरला, जि.बडवानी, मध्यप्रदेश) यांच्याकडून हस्तगत करण्यात आला आहे. दोघा आरोपींना पोलिसांनी अटक केली.
