जळगावात जुन्या वादातून गोळीबार : तरुण ठार ; दोघे गंभीर
जिल्ह्यात कायदा व सुव्यवस्था ढासळली : शासकीय रुग्णालयात प्रचंड गर्दी
Shooting in Jalgaon over old dispute : Youth killed; two in critical condition जळगाव (10 नोव्हेंर 2025) : जुन्या वादातून उफाळलेल्या वादानंतर जळगावात गोळीबार झाल्याने त्यात तरुण ठार झाला तर दोघे जखमी झाले. ही घटना जळगावच्या शनिपेठ परिसरातील कांचननगर भागात रविवारी रात्री सुमारे 10 वाजेच्या सुमारास घडली. जखमींवर शासकीय वैद्यकीय महाविद्यालयात उपचार सुरू आहेत. आकाश उर्फ टपर्या युवराज बाविस्कर (28, रा.कांचन नगर, जळगाव) असे ठार झालेल्या युवकाचे नाव आहे.
दोन गटात उफाळला वाद
रविवार, 9 रोजी रात्री दहा वाजेच्या सुमारास कांचननगर भागात दोन गटांमध्ये पूर्ववैमनस्यातून वाद निर्माण झाला. वाद चिघळत जाऊन त्याचे रूपांतर थेट गोळीबारात झाले. या गोळीबारात आकाश युवराज बाविस्कर (28, रा.कांचन नगर, जळगाव) हा मयत झाला तर गणेश रवींद्र सोनवणे (26) व तुषार सबसिंग सोनवणे (26, दोन्ही रा.कांचन नगर, जळगाव) असे दोघे जखमी झाले.
