रावेर लोकसभेतील पालिका निवडणुकीत कार्यकर्त्यांचा स्वबळावर लढण्याचा आग्रह मात्र जिल्हाध्यक्षांशी चर्चेनंतर योग्य निर्णय घेणार ! : मंत्री माणिकराव कोकाटे

अजित पवारांची केली पाठराखण
पुणे जमीन घोटाळ्यात पार्थ पवार यांचे नाव आल्यानंतर अजित पवारांच्या अडचणी वाढल्या असून याकडे कसे पाहता? या प्रश्नावर मंत्री कोकाटे म्हणाले की, हे सर्व विरोधकांचे बेछूट आरोप आहे. मतदारांना अजित पवारांचा स्वभाव माहित आहे. ते कुठलेही चुकीचे काम नाही त्यामुळे मुख्यमंत्र्यांनी चौकशी समिती गठीत केली असून त्यात सत्य समोर येईल, असे सांगून त्यांनी अजित दादांसह पार्थ पवारांची पाठराखण केली.

आमदार खडसेंची पक्षाकडून हकालपट्टी : आमदार अनिल पाटील
भोसरी जमीन प्रकरणात आरोप होताच पायउतार झालेल्या आमदार खडसे यांनी अजितदादांच्या राजीनाम्याची मागणी केली होती. या प्रश्नावर आमदार अनिल भाईदास पाटील म्हणाले की, मला आठवते की, खडसेंवर भोसरी जमीन घोटाळ्यात आरोप झाले त्यावेळी मी भाजपात होतो त्यामुळे आमदार खडसेंनी स्वतःहून राजीनामा दिला नाही तर पक्षाने त्यांची हकालपट्टी केली त्यामुळे त्यांनी राजीनामा दिला. आमदार खडसे यांचे हात भ्रष्टाचाराने बरबटलेले असून त्यांची तुलना अजित पवारांशी होवू शकत नाही. अजित पवार हे स्वच्छ चारीत्र्य असलेले व्यक्तीमत्व आहे.

निवडणुका आल्या की अजित दादांवर आरोप
पुणे जमीन प्रकरणामुळे अजित पवार अडचणीत आले का ? या प्रश्नावर आमदार पाटील म्हणाले की, निवडणुका आल्या की अजित दादांवर विरोधक व मिडीयाकडून आरोप होतात त्यामुळे दादांनाही या आरोपांची आता सवय झाली असून त्यात तथ्य काहीच नाही, असेही आमदार म्हणाले.

यांची पत्रकार परिषदेला उपस्थिती
क्रीडा मंत्री माणिकराव कोकाटे, अमळनेर आमदार अनिल भाईदास पाटील, प्रदेश प्रवक्ता प्रतिभा शिंदे, जिल्हाध्यक्ष उमेश नेमाडे, माजी शिक्षक आमदार दिलीप सोनवणे, विवेक ठाकरे आदींची उपस्थिती होती.