रुपाली ठोंबरेची राष्ट्रवादी प्रवक्ते पदावरून हकालपट्टी होताच ठाकरे गटाने दिली प्रवेशाची ऑफर !
As soon as Rupali Thombre was removed from the post of NCP spokesperson, the Thackeray group offered her entry! पुणे (10 नोव्हेंबर 2025) : राष्ट्रवादी काँग्रेस अजित पवार गटाच्या प्रवक्ते पदावरून रुपाली ठोंबरे यांची हकालपट्टी करण्यात आल्यानंतर शिवसेना ठाकरे गटाकडून त्यांना पक्ष प्रवेशाची थेट ऑफर आली आहे. रुपाली ठोंबरे यांनी शिवसेनेत यावे, आम्ही त्यांचे स्वागत करू, अशी ऑफर सुषमा अंधारे यांनी दिली.
ठोंबरे यांनी पक्षात यावे
सुषमा अंधारे म्हणाल्या, रुपाली ठोंबरे ही माझी चांगली मैत्रीण आहे आणि ती राहील. तिला कोणतीही भीती नाही, सर्वार्थाने ती अतिशय क्लीन इमेज असलेली व्यक्ती आह, अशी महिला कोणत्याही पक्षात येणे कोणालाही आवडेलच. त्यांनी शिवसेनेत येण्याची इच्छा व्यक्त करावी, आम्ही त्याचे स्वागत करू पण माझ्या पक्षात ती यावी म्हणून तिच्या त्या पक्षात नुकसान व्हावे, असा विचार करणारी मी नाही. जर तिच्या पक्षात तिला स्कोप मिळत असेल तर तिने तिथे काम करावे, असा सल्लादेखील अंधारे यांनी दिला.
ठोंबरेसह मिटकरींना वगळले
अजित पवारांच्या राष्ट्रवादीच्या प्रवक्तेपदाची यादी जाहीर करण्यात आली आहे. त्यात अमोल मिटकरी आणि रूपाली ठोंबरे यांना वगळण्यात आले आहे. गेल्या काही दिवसांपासून राष्ट्रवादी पक्षात अंतर्गत वाद सुरू होते. रुपाली चाकणकर आणि रुपाली ठोंबरे पाटील यांच्यात देखील वाद सुरू आहेत. याचाच फटका रूपाली ठोंबरे यांना बसला असल्याचे बोलले जात आहे. तसेच भाजपवर सतत टीका करणार्‍या अमोल मिटकरी यांना देखील प्रवक्ते पदावरून वगळण्यात आले आहे. विशेष म्हणजे मारहाण प्रकरणातील सुरज चव्हाण यांना प्रवक्तेपद पुन्हा देण्यात आले.
