किनगाव खुर्दला जुगाराचा डाव उधळला : 15 संशयीत जाळ्यात
Gambling scheme foiled in Kingaon Khurd: 15 suspects caught यावल (11 नोव्हेंबर 2025) : यावल तालुक्यातील किनगाव खुर्द गावातील पाण्याच्या टाकीच्या खाली सार्वजनिक ठिकाणी काही जण जुगार खेळत असल्याची माहिती यावलचे पोलिस निरीक्षक रंगनाथ धारबळे यांना मिळाली. पोलिसांचे पथक त्या ठिकाणी गेले व त्यांनी येथुन 15 जणांना ताब्यात घेतले व त्यांच्याकडून जुगाराचे साहित्य रोख रक्कम असा एकूण तीन हजार 800 रुपयांचा मुद्देमाल जप्त केला व याप्रकरणी 15 जणांविरुद्ध यावल पोलिसात गुन्हा दाखल करण्यात आला.
जुगार्यांच्या गोटात खळबळ
किनगाव खुर्द ता. यावल या गावात पाण्याची टाकी आहे. या पाण्याच्या टाकीच्या खाली दीपक भोई, शांताराम पाटील, सलीम मुसलमान, शेख जाबीर, शिवाजी पाटील, नितीन वराडे, शशिकांत पाटील, भागवत पाटील, अंकुश कोळी, सुभाष महाजन, साहेबराव साळुंखे, वासुदेव वराडे, रवींद्र पाटील, दिलीप वंजारी, सुनील पाटील हे 15 जण जुगार खेळत होते. याची माहिती पोलिस निरीक्षक रंगनाथ धारबळे यांना मिळाली. तेव्हा त्यांनी पोलिसांचे पथक त्या ठिकाणी पाठवले व या पथकाने या 15 जणांवर कारवाई करीत त्यांच्याकडून जुगाराचे साहित्य असा तीन हजार 800 रुपयांचा मुद्देमाल जप्त केला.





