The people of Bihar voted for BJP! Exit poll results revealed नवी दिल्ली (11 नोव्हेंबर 2025) बिहार राज्यात नुकत्याच निवडणुकता आटोपल्या असून आता या राज्यात सत्ता कुणाची येणार? याबाबत विविध एक्झीट पोल समोर आले आहेत. त्यात भाजप प्रणित एनडीएला स्पष्ट बहुमत मिळणार असल्याची शक्यता वर्तवण्यात आली आहे. तेजस्वी यादव यांच्या नेतृत्वाखालील महागठबंधनला शंभरीही गाठता येणार नसल्याचे चित्र कौलात वर्तवण्यात आले आहे.
14 रोजी स्पष्ट होणार चित्र
बिहारच्या निवडणुकीसाठी पहिल्या टप्प्यात 64 टक्के तर दुसर्‍या टप्प्यात 67.66 टक्के मतदान झाले मात्र एकूण किती मतदान झालं याची अधिकृत आकडेवारी अद्याप निवडणूक आयोगाने जाहीर केलेली नाही. गतवेळेपेक्षा यंदा मतदानाच्या टक्केवारीमध्ये मोठी वाढ झाल्याने त्याचा फटका कुणाला बसणार हे आता 14 नोव्हेंबर रोजीच स्पष्ट होईल.
मॅट्रीज आयएएनएस एक्झिट पोलनुसार कुणाला किती जागा?
भाजपप्रणित एनडीएला सर्वाधिक जागा मिळण्याची शक्यता आहे.
एनडीए- 147-167
महागठबंधन 70-90
इतर- 2-6
चाणक्य एक्झिट पोलनुसार, महागठबंधन शंभर जागा पार करणार
चाणक्य एक्झिट पोलच्या आकडेवारीनुसार, बिहारमध्ये पु्न्हा एकदा भाजपप्रणित एनडीएला सत्ता मिळेल तर महागठबंधनला शंभरच्या आसपास जागा मिळतील.
एनडीए- 130-138
महागठबंधन- 100-108
इतर- 3-5
पोल डायरीच्या अंदाजानुसार एनडीएची सत्ता
पोल डायरीच्या एक्झिट पोलच्या अंदाजानुसार, बिहारमध्ये एनडीए दोनशेच्या पारही जाऊ शकते तर तेजस्वी यादव यांच्या महागठबंधनला 32 ते 49 जागा मिळण्याची शक्यता वर्तवण्यात आली आहे.
एनडीए- 184-209
महागठबंधन- 32-49
इतर- 1-5
प्रजा पोलनुसार एनडीएला पूर्ण बहुमत
प्रजा पोलच्या एक्झिट पोलच्या अंदाजानुसार, एनडीएला 186 जागा मिळण्याची शक्यता असून महागठबंधनला 50 जागा मिळण्याची शक्यता आहे.
एनडीए- 186
महागठबंधन- 50
इतर- 7
पोलस्ट्राटनुसार एनडीएला स्पष्ट बहुमत, महागठबंधनला मोठा धक्का
पोलस्ट्राटच्या अंदाजानुसार, एनडीएला पूर्ण बहुमत मिळणार असून 133 ते 148 जागा मिळण्याची शक्यताआहे.
एनडीए- 133-148
महागठबंधन- 87-102
इतर- 3-5
