भुसावळ पालिका निवडणूक : प्रभाग 22 मधून एकता ठाकूर यांचा अर्ज दाखल


Bhusawal Municipality Election : Ekta Thakur’s application filed from Ward 22 भुसावळ (12 नोव्हेंबर 2025) : भुसावळ पालिका निवडणुकीच्या पार्श्वभूमीवर उमेदवारी अर्ज दाखल करण्याच्या दुसर्‍या दिवशी मंगळवार, 11 रोजी प्रभाग 22 मधून एकता महेंद्रसिंग ठाकूर यांनी त्यांचा उमेदवारी अर्ज दाखल केला. ठाकूर यांच्या अर्जाने उमेदवारी अर्ज दाखल करण्याच्या प्रक्रीयेचा श्री गणेशा झाला.

50 जागांसाठी शहरात निवडणूक
पालिकेच्या 50 जागांसाठी होत असलेल्या 25 प्रभागांच्या निवडणुकीसाठी उमेदवारी अर्ज दाखल करण्याची प्रक्रिया सोमवारपासून सुरू आहे. उमेदवारी अर्ज दाखल करण्याच्या पहिल्या दिवशी एकही अर्ज दाखल झाला नाही मात्र, मंगळवारी दुसर्‍या दिवशी प्रभाग 22 मधून एकता महेद्रसिंग ठाकूर यांचा पहिला अर्ज दाखल झाला आहे. या निवडणुकीच्या प्रक्रियेत ठाकूर यांचा एकच अर्ज दुसर्‍या दिवशी दाखल झाला आहे.






आगामी दिवसात कोण-कोण उमेदवारी अर्ज दाखल करतात? याकडे राजकीय मंडळींचे लक्ष लागले आहे. निवडणूक निर्णय अधिकारी म्हणून जितेंद्र पाटील आहे. सहायक अधिकारी म्हणून मुख्याधिकारी राजेद्र फातले आहेत.

शहरात होत असलेल्या पालिकेच्या 50 जागांच्या निवडणुकीसाठी गुरूवारपासून इच्छूक उमेदवार मोठ्या प्रमाणावर अर्ज दाखल करण्याचा अंदाज व्यक्त होत आहे. यामुळे येत्या दोन ते तीन दिवसात व सोमवारपर्यत मुदत असलेल्या दिवसापर्यंत कोण कोण उमेदवारी अर्ज दाखल करतात याकडे लक्ष लागले आहे. नगराध्यक्ष पदासाठी कोण कोण निवडणुकीच्या रिंगणात उतरते याकडे लक्ष लागले आहे.



मेहनत कर, मेहनत ! कॉपी पेस्ट करू नको !