यावल तालुक्यातील रिधुरी फाट्याजवळ अज्ञात वाहनाच्या धडकेत करंजीचा दुचाकीस्वार ठार
A bike rider from Karanji was killed in a collision with an unknown vehicle near Ridhuri Phata in Yaval taluka यावल (12 नोव्हेंबर 2025) : यावल तालुक्यातील दुसखेडा ते थोरगव्हाण रस्त्यावरील मांगी-रिधुरी फाट्याजवळ अज्ञात वाहनाच्या धडकेत दुचाकीस्वार करंजी, ता.यावल येथील तरुण दुचाकीस्वार जागीच ठार झाला. हा अपघात मंगळवारी सकाळी घडला. मयत यावल ग्रामीण रुग्णालयात मृतदेहाचे शवविच्छेदन करण्यात आले तर या प्रकरणी फैजपूर पोलिसात गुन्हा दाखल करण्यात आला.
काय घडले तरुणासोबत ?
करंजी, ता.यावल येथील रहिवासी विजय विनोद कोळी (24) हा तरुण मंगळवारी सकाळी आपल्या घरून दुचाकी (क्रमांक एम. एच. 19 डी. जे. 4694) व्दारे बोरावल येथे आत्यांची भेट घेण्यासाठी जात असताना दुसखेडा ते थोरगव्हाण रस्त्यावरील मांगी-रिधुरी फाट्याजवळ त्यांच्या दुचाकीला अज्ञात वाहनाने धडक दिली व यात त्याच्या डोक्याला जबर दुखापत होवुन तो जागीच ठार झाला.
हा प्रकार या रस्त्यावरून जाणार्या वाहन धारकांच्या निर्दशनास आला. त्यांनी तातडीने फैजपूर पोलिसांना माहिती दिली. घटनास्थळी फैजपूरचे सहायक पोलिस निरीक्षक रामेश्वर मोताळे यांच्या मार्गदर्शनाखाली हवालदार अनिल पाटील, रवींद्र मोरे हे दाखल झाले व त्यांनी मृतदेह यावल ग्रामीण रुग्णालयात आणला. या प्रकरणी सचिन सोनवणे यांच्या फिर्यादीवरून फैजपूर पोलिसात गुन्हा दाखल करण्यात आला. तपास सहायक पोलिस निरीक्षक रामेश्वर मोताळे यांच्या मार्गदर्शनाखाली हवालदार अनिल पाटील करीत आहे. मयताच्या पश्चात आई-वडील, भाऊ पत्नी, चार महिन्याची मुलगी आहे.
