भुसावळ पालिका निवडणूक : माजी नगरसेवक महेंद्रसिंग ठाकूर यांनी भाजपसह दाखल केले अपक्ष दोन अर्ज
Bhusawal Municipal Election: Former corporator Mahendra Singh Thakur files two applications as an independent along with BJP भुसावळ (14 नोव्हेंबर 2025) : भुसावळ पालिकेच्या सार्वत्रिक निवडणुकीसाठी उमेदवारी अर्ज दाखल करण्याची प्रक्रिया सुरू असताना माजी नगरसेवक महेंद्रसिंग ठाकूर यांनी एकाच वेळी दोन उमेदवारी अर्ज गुरूवारी प्रभाग 22 मधून दाखल केले. यामुळे राजकीय वर्तुळात चर्चेला उधाण आले आहे. त्यांनी एक अर्ज भाजप उमेदवार म्हणून तर दुसरा अपक्ष म्हणून निवडणूक निर्णय अधिकारी कार्यालयात सादर केला आहे.
मुलीनेही दाखल केला अर्ज
यापूर्वी 11 नोव्हेंबर रोजी त्यांची मुलगी एकता महेंद्रसिंग ठाकूर हिनेही उमेदवारी अर्ज याच प्रभागातून दाखल केला होता.अशा प्रकारे ठाकूर कुटुंबातील वडील आणि मुलगी दोघांनीही पालिका निवडणुकीत अर्ज दाखल केल्याने राजकीय रंगत वाढली आहे.
आजपर्यंत तीन उमेदवारांचे अर्ज निवडणूक निर्णय अधिकारी जितेंद्र पाटील यांच्याकडे दाखल झाले आहेत, अशी माहिती प्रशासनाकडून देण्यात आली आहे. शुक्रवार, शनिवारी मोठ्या प्रमाणावर अर्ज दाखल होण्याची शक्यता वर्तविली जात आहे. यामुळे दोन दिवसात आणि शेवटच्या दिवशी म्हणजे सोमवार, 17 रोजी कोण कोण उमेदवारी अर्ज दाखल करतात, याकडे राजकीय मंडळींसह मतदारांचे लक्ष लागले आहे.
