जळगाव तालुकासह पारोळा हद्दीतून तीन दुचाकी चोरणार्या धुळ्यातील चोरट्याला बेड्या
जळगाव स्थानिक गुन्हे शाखेची यशस्वी कामगिरी
A thief from Dhule who stole three two-wheelers from Parola area including Jalgaon taluka was arrested. जळगाव (15 नोव्हेंबर 2025) : जळगाव तालुका पोलिस ठाणे हद्दीसह पारोळा पोलिस ठाणे हद्दीतून चोरी गेलेल्या दुचाकी धुळे जिल्ह्यातील लामकानी येथील संशयीताकडे असल्याची माहिती जळगाव गुन्हे शाखेला मिळाल्यानंतर पथकाने संशयीताच्या मुसक्या बांधल्या. मनोज पाडुरंग गायकवाड (लामकानी, ता.धुळे) असे अटकेतील आरोपीचे नाव असून त्याच्याकडून महागड्या तीन दुचाकी जप्त करण्यात आल्या.
गोपनीय माहितीवरून कारवाई
जळगाव स्थानिक गुन्हे शाखेचे वरिष्ठ पोलीस निरीक्षक राहुल गायकवाड यांच्या मार्गदर्शनाखाली पोलिस उपनिरीक्षक जितेंद्र वल्टे, हवालदार विष्णू बिर्हाडे, दीपक माळी, रवींद्र पाटील, रावसाहेब पाटील, आणि चालक दीपक चौधरी यांच्या पथकाला मनोज पाडुरंग गायकवाड (लामकानी) हा चोरीची दुचाकी बाळगून असल्याची माहिती मिळाल्यानंतर त्यास लामकानी येथून अटक करण्यात आली.





