Cyber crime in Mumbai: Suspect from Bhusawal caught with foreign currency, SIM card भुसावळ (17 नोव्हेंबर 2025) : मुंबईतील सायबर गुन्ह्याच्या तपासाला गती देत मुंबई पोलिसांच्या विशेष पथकाने भुसावळातून एका संशयिताला अटक केली. शहरातील कुलकर्णी प्लॉट परिसरातून ताब्यात घेतलेल्या राहुल जगन्नाथ बागुल या संशयिताच्या घरातून सायबर फसवणुकीत वापरण्यात आलेले सीमकार्ड, विदेशी चलन आदी साहित्य जप्त करण्यात आले.
असे आहे फसवणूक प्रकरण
मुंबईतील काळा पोलिस चौकीत नोंद असलेल्या सायबर गुन्ह्याच्या तपासादरम्यान संशयीत भुसावळ परिसरात असल्याची माहिती मिळाल्यानंतर विशेष पथक तत्काळ भुसावळात दाखल झाले. भुसावळ शहर पोलिसांच्या मदतीने संशयीताच्या लोकेशनच्या आधारावर शोध घेऊन त्याला ताब्यात घेण्यात आले. झडतीत पुण्यातून मिळवलेली सिमकार्डे संशयास्पद रकमेसह विदेशी चलन असे साहित्य मिळाल्याचे पोलिसांनी सांगितले. ही कारवाई मुंबई पथकातील पोलिीस उपनिरीक्षक राजेंद्र चव्हाण व शीतल माने यांच्या मार्गदर्शनाखाली करण्यात आली.
स्थानिक पातळीवर शहर पोलिसांतर्फे पोलिस निरीक्षक उद्धव डमाळे यांच्या मार्गदर्शनाखाली हवालदार राहुल भोई व किरण कोळी यांनी सहाय्य केले. ताब्यात घेतलेल्या बागुलला पुढील तपासासाठी मुंबईकडे रवाना करण्यात आले. मुंबई पोलिसांचे पथक भुसावळात आले होते, त्यांनी मदत मागितल्याने त्यांना पोलिसांची मदत देत संशयीताच्या मुसक्या आवळल्या असल्याची माहिती शहर पोलिस ठाण्याचे निरीक्षक उध्दव डमाळे यांनी दिली.
