वरणगावजवळ अपघातात जळगावच्या रिक्षा चालकाचा मृत्यू : क्रेन चालकाविरोधात गुन्हा
Jalgaon rickshaw driver dies in accident near Varangaon : Case filed against crane driver वरणगाव (17 नोव्हेंबर 2025) : वरणगाव महामार्गावर नागराणी पेट्रोल पंपाच्या मोरीवर मुक्ताईनगरकडून चुकीच्या दिशेने जाणार्या क्रेनने समोरील रिक्षाला धडक दिल्याने रिक्षा चालक अशपाक अहमद अब्दुल तसब्बुफ (46, अक्सानगर, जळगाव) यांचा मृत्यू झाला. हा अपघात रविवारी सकाळी नऊ वाजता घडला होता. अपघात प्रकरणी वरणगाव पोलिसात क्रेन (क्रमांक एम.पी.11 एच.1119) वरील अज्ञात चालकाविरोधात गुन्हा दाखल करण्यात आला.
काय घडले वरणगावात ?
जळगावातील रिक्षा चालक शेख अशपाक अहमद अब्दुल तसब्बुफ हा नारळ विक्रीसाठी रिक्षा (एम.एच.19 सी.डब्ल्यू.6812) ने निघाल्यानंतर समोरून चुकीच्या दिशेने येणार्या क्रेनने (एम.पी.19. एच.1999) वरील अज्ञात चालकाने जोरदार धडक दिल्याने रिक्षा चालकाचा मृत्यू झाला. अपघात प्रकरणी के्रन चालकाविरोधात वरणगाव पोलिसात इम्तियाज तसब्बुफ शेख (जळगाव) यांनी फिर्याद दिल्यावरून गुन्हा दाखल करण्यात आला. तपास सहाय्यक निरीक्षक अमितकुमार बागुल करीत आहेत.
