चाळीसगाव नगराध्यक्षपदासाठी शक्ती प्रदर्शनानंतर भाजपा उमेदवार प्रतिभा चव्हाण यांनी दाखल केले नामांकन


चाळीसगाव (17 नोव्हेंबर 2025) : भारतीय जनता पक्षाच्या वतीने चाळीसगाव नगराध्यक्ष पदासाठी अधिकृत उमेदवारी प्रतिभा मंगेश चव्हाण यांना जाहीर करण्यात आल्यानंतर सोमवार, 17 रोजी भारतीय जनता पक्षाच्या वतीने जाहीर सभा घेत जोरदार शक्तिप्रदर्शन करण्यात आले व प्रतिभा चव्हाण यांचा नगराध्यक्ष पदासाठी तसेच इतर 36 उमेदवारांचे नगरसेवक पदासाठी अर्ज दाखल करण्यात आले.

रॅलीने वेधले शहरवासीयांचे लक्ष
छत्रपती शिवाजी महाराज चौक मैदान येथे आयोजित सभेला माजी केंद्रीय मंत्री एम.के.अण्णा पाटील, माजी आमदार साहेबरावजी घोडे, आमदार मंगेश चव्हाण, भाजपा पश्चिम जिल्हाध्यक्ष डॉ.राधेश्याम चौधरी यांच्यासह भारतीय जनता पक्षाचे आजी माजी लोकप्रतिनिधी, प्रदेश व जिल्हा पदाधिकारी, शहर व ग्रामीण मंडळ अध्यक्ष आदी मोठ्या संख्येने उपस्थित होते. यावेळी शहरातून वाजत गाजत भारतीय जनता पक्षाच्या उमेदवारांनी रॅली काढत सभा स्थळ गाठले.






तत्पूर्वी प्रतिभा चव्हाण यांनी आपल्या शिवनेरी निवासस्थानी कुलदैवतांचे दर्शन घेऊन मनोभावे आशिर्वाद प्राप्त केले.

यानंतर त्यांनी दुचाकीवरूनच जात शहरातील युगपुरुष आणि समाजप्रवर्तक ज्यांनी आपले जीवन राष्ट्रनिर्मितीसाठी अर्पण केले असे छत्रपती शिवाजी महाराज, भारतरत्न डॉ. बाबासाहेब आंबेडकर, संत जगनाडे महाराज, पुण्यश्लोक अहिल्यादेवी होळकर, महात्मा जोतीबा फुले व क्रांतीज्योती सावित्रीबाई फुले, वीर भाई कोतवाल यांच्या स्मारकांना विनम्र अभिवादन करून नव्या जबाबदारीसाठी प्रेरणा घेतली.



मेहनत कर, मेहनत ! कॉपी पेस्ट करू नको !