भुसावळात महाविकास आघाडीला धक्का : काँग्रेस स्वबळावर ! सविता सुरवाडे यांना नगराध्यक्षपदाची उमेदवारी
Mahavikas Aghadi suffers setback in Bhusawal : Congress on its own! Savita Surwade nominated for mayor post भुसावळ (17 नोव्हेंबर 2025) : भुसावळा महायुतीला सोडून राष्ट्रवादी अजित पवार गटाने स्वबळावर निवडणुका लढण्यासाठी दंड थोपटल्यानंतर आता महाविकास आघाडीला धक्का देत काँग्रेसनेही वेगळी चूल मांडल्याने राजकीय वर्तुळात खळबळ उडाली आहे. काँग्रेसतर्फे अ‍ॅड.प्रवीण सुरवाडे यांच्या सौभाग्यवती सविता प्रवीण सुरवाडे यांना नगराध्यक्ष पदाची उमेदवारी जाहीर करण्यात आली आहे. मुंबईतील निवडणुकीत महाविकास आघाडीने हा प्रयोग राबवल्यानंतर त्याची पुनरावृत्ती भुसावळातही झाल्याने आगामी काळातील निवडणूक चुरशीची होईल हे स्पष्ट आहे.
चाचपणी करीत सावध पवित्रा
महाविकास आघाडीतील उबाठा पक्षाला सोबत घेत आमदार एकनाथ खडसे व माजी आमदार संतोष चौधरी यांनी काँग्रेससोबत वाटाघाटी सुरू असल्याचे सांगितले खरे मात्र सोमवारी उमेदवारी दाखल करण्याच्या अखेरच्या दिवसापर्यंत आघाडी झाली नसलीतरी त्यात बिघाडी झाल्याचे समोर आले. काँग्रेसने मध्यरात्री गोपनीय बैठकांचे सत्र घेत स्वबळावर लढण्याचा निर्धार केला अन सोमवारी अ‍ॅड.प्रवीण सुरवाडे यांच्या सौभाग्यवती सविता सुरवाडे यांना उमेदवारी जाहीर करीत नामांकनही दाखल करून घेतले. याबाबतची माहिती महाराष्ट्र प्रदेश काँग्रेस कमेटीचे प्रदेशाध्यक्ष मुन्वर खान यांनी दिली.
